Advertisement

ಕಾರ್ಗಿಲ್‌ ಯೋಧ ಮೆಲ್ವಿನ್‌ ಆಳ್ವರಿಗೆ ಮಿಲಿಟರಿ ಗೌರವ ಸಹಿತ ಅಂತ್ಯಸಂಸ್ಕಾರ

01:25 AM Apr 20, 2024 | Team Udayavani |

ಕಟಪಾಡಿ: ಕಾರ್ಗಿಲ್‌ ಸಮರದ ಯೋಧ, ಶಂಕರಪುರ ಸುಭಾಷ್‌ ನಗರದ ವಾಸಿ ಮೆಲ್ವಿನ್‌ ದಿಲೀಪ್‌ ಆಳ್ವ ಅವರ ಪಾರ್ಥಿವ ಶರೀರಕ್ಕೆ ಶಂಕರಪುರದಲ್ಲಿ ಶುಕ್ರವಾರ ಸಕಲ ಮಿಲಿಟರಿ ಗೌರವದೊಂದಿಗೆ ಅಂತಿಮ ಸಂಸ್ಕಾರ ನಡೆಸಲಾಯಿತು.

Advertisement

ಎ. 14ರಂದು ಸುಭಾಷ್‌ ನಗರದ ಸ್ವಗೃಹದಲ್ಲಿ ನಿಧನ ಹೊಂದಿದ್ದ ಮೆಲ್ವಿನ್‌ ದಿಲೀಪ್‌ ಆಳ್ವ ಅವರ ಪಾರ್ಥಿವ ಶರೀರಕ್ಕೆ ಶಂಕರಪುರ ಸೈಂಟ್‌ ಜೋನ್ಸ್‌ ಚರ್ಚ್‌ನಲ್ಲಿ ಸಿಆರ್‌ಪಿಎಫ್‌ ಪರವಾಗಿ ಡೈರೆಕ್ಟರ್‌ ಜನರಲ್‌ ಇನ್‌ಸ್ಪೆಕ್ಟರ್‌ ಡಿ.ಎನ್‌. ಚಂದ್ರೂರ್ಕರ್‌ ಹಾಗೂ ಮೂವರು ಅಧಿಕಾರಿಗಳು ರಾಷ್ಟ್ರಧ್ವಜವನ್ನು ಇರಿಸಿ ಮಿಲಿಟರಿ ಗೌರವ ಸಲ್ಲಿಸಿದರು. ಎಕ್ಸ್‌ ಸರ್ವೀಸ್‌ಮೆನ್‌ ಅಸೋಸಿಯೇಶನ್‌ನ ಉಡುಪಿ ಜಿಲ್ಲಾ ಅಧ್ಯಕ್ಷ ರಾಜೇಶ್‌ ಮೆಂಡನ್‌, ದ.ಕ. ಜಿಲ್ಲೆಯ ಚಾಕೋ ಕೆ.ಜೆ. ಶ್ರದ್ಧಾಂಜಲಿ ಸಲ್ಲಿಸಿದ್ದರು.

ಚರ್ಚ್‌ನ ಧರ್ಮಗುರು ವಂ| ಪ್ರಕಾಶ್‌ ಅನಿಲ್‌ ಕ್ಯಾಸ್ತಲಿನೋ ಪ್ರಾರ್ಥನೆ ನೆರವೇರಿಸಿದರು. ಮೃತರ ತಾಯಿ ಫಿಲೋಮಿನಾ ಆಳ್ವ, ಸಹೋದರಿಯರಾದ ಸುಮನಾ ಆಳ್ವ, ಉಷಾ ಆಳ್ವ ಪಾಲ್ಗೊಂಡಿದ್ದರು.

Advertisement

Udayavani is now on Telegram. Click here to join our channel and stay updated with the latest news.

Next