ಮುಂಬಯಿ ಕನ್ನಡ ಸಂಘದ ಕನ್ನಡ ಸರ್ಟಿಫಿಕೇಟ್‌ ಕೋರ್ಸ್‌ಗೆ ಶೇ. 100 ಫಲಿತಾಂಶ

ಮುಂಬಯಿ: ಮಾಟುಂಗ ಪೂರ್ವದ ಮುಂಬಯಿ ಕನ್ನಡ ಸಂಘದ ಆಶ್ರಯದಲ್ಲಿ ನಡೆದ ಕನ್ನಡ ಸರ್ಟಿಫಿಕೇಟ್‌ ಕೋರ್ಸ್‌ನ ಫಲಿತಾಂಶ ಪ್ರಕಟಗೊಂಡಿದ್ದು, ಶೇ. 100 ಫಲಿತಾಂಶ ಲಭಿಸಿದೆ. ಪರೀಕ್ಷೆಗೆ ಹಾಜರಾದ ಎಲ್ಲಾ 20 ವಿದ್ಯಾರ್ಥಿಗಳು ಉತ್ತಮ ಅಂಕಗಳನ್ನು ಗಳಿಸಿ ತೇರ್ಗಡೆಯಾಗಿದ್ದಾರೆ.

ಮೇ 5ರಂದು ಪ್ರಥಮ ಮತ್ತು ದ್ವಿತೀಯ ಹಂತದ ವಿದ್ಯಾರ್ಥಿಗಳಿಗೆ ಪರೀಕ್ಷೆ ನಡೆಸಲಾಗಿತ್ತು. ಪರೀಕ್ಷೆಯ ಪರೀಕ್ಷಕರಾಗಿ ಶಿಕ್ಷಕಿ ಅರ್ಚನಾ ಪೂಜಾರಿ, ಸಹಾಯಕರಾಗಿ ಎಸ್‌. ಕೆ. ಪದ್ಮನಾಭ, ಸೋಮನಾಥ ಕರ್ಕೇರ ಮತ್ತು ನಾರಾಯಣ ರಾವ್‌ ಸಹಕರಿಸಿದ್ದರು. ಪ್ರಥಮ ಹಂತದ ತರಗತಿಯಲ್ಲಿ ಸುವರ್ಣ ಕುಮಾರ್‌ ಶೇ. 89, ರತ್ನಪ್ರಭಾ, ಸುಪ್ರಿಯಾ, ಪ್ರತಿಭಾ ಅವರು ಶೇ. 88, ಕರುಣಾ ಅವರು ಶೇ. 83, ಪ್ರಣವ್‌ ಶೇ. 82, ಉಜಲಾ ಶೇ. 80, ಮುಕುಂದ್‌ ಶೇ. 74, ಜಯ ಶೇ. 71, ಅಶೋಕ್‌ ಶೇ. 55, ಸತೀಶ್‌ ಶೇ. 63 ಅಂಕಗಳನ್ನು ಗಳಿಸಿದ್ದಾರೆ.

ದ್ವಿತೀಯ ಹಂತದ ಪರೀಕ್ಷೆಯಲ್ಲಿ ರಾಜೇಶ್‌ ನಾಗ್ರೆ ಶೇ. 91, ವೇದಾಂತ್‌ ಮಗದುಮ್‌ ಶೇ. 86, ಪ್ರಮೋದ್‌ ಪುರೋಹಿತ್‌ ಶೇ. 79, ಉತ್ತಮ್‌ ಗಡಡೆ ಶೇ. 84, ನಂದಿತಾ ಮಂತ್ರಿ ಶೇ. 72, ಶರದ್‌ ಸೋಟಕ್ಕೆ ಶೇ. 67, ಅಭಿಷೇಕ್‌ ಪ್ರಭು ಶೇ. 61, ಮಯೂರ್‌ ಅಂಕ್ಲೇಕರ್‌ ಶೇ. 61, ದೇವರಾಜ ಚಂಪ ಶೇ. 72 ಅಂಕಗಳನ್ನು ಗಳಿಸಿದ್ದಾರೆ. ತೇರ್ಗಡೆಯಾದ ಎಲ್ಲಾ ವಿದ್ಯಾರ್ಥಿಗಳನ್ನು ಸಂಘದ ಅಧ್ಯಕ್ಷ ಜಿ. ಎಸ್‌. ನಾಯಕ್‌ ಮತ್ತು ಇತರ ಪದಾಧಿಕಾರಿಗಳು, ಕಾರ್ಯಕಾರಿ ಸಮಿತಿಯ ಸದಸ್ಯರು ಅಭಿನಂದಿಸಿದ್ದಾರೆ. ಉತ್ತೀರ್ಣರಾದ ವಿದ್ಯಾರ್ಥಿಗಳಿಗೆ ಪ್ರಮಾಣ ಪತ್ರವನ್ನು ನೂತನ ವರ್ಗಗಳ ಉದ್ಘಾಟನೆಯ ಸಂದರ್ಭದಲ್ಲಿ ಗಣ್ಯರ ಸಮ್ಮುಖದಲ್ಲಿ ವಿತರಿಸಲಾಗುವುದು ಎಂದು ಸಂಘದ ಪ್ರಕಟನೆ ತಿಳಿಸಿದೆ.