Honeymoon in Bangkok movie; ವಿಶೇಷ ಪಾತ್ರದಲ್ಲಿ ಮುಂಬೈ ಬೆಡಗಿ ಅನನ್ಯ

“ಹನಿಮೂನ್‌ ಇನ್‌ ಬ್ಯಾಂಕಾಕ್‌’ ಎಂಬ ಹಾರರ್‌, ಕಾಮಿಡಿ ಸಿನಿಮಾ ಬಿಡುಗಡೆಯ ಹಂತಕ್ಕೆ ಬಂದಿದ್ದು, ಸೆ.22 ರಂದು ತೆರೆಕಾಣುತ್ತಿದೆ.

ಹೊಸದಾಗಿ ಮದುವೆಯಾದ ದಂಪತಿ ಹನಿಮೂನ್‌ಗೆಂದು ದೂರದ ಬ್ಯಾಂಕಾಕ್‌ ಹೋದಾಗ ಅಲ್ಲಿ ನಡೆಯುವ ಕುತೂಹಲಕಾರಿ ಘಟನೆಗಳೇ ಈ ಚಿತ್ರದ ಕಥಾವಸ್ತು.

ಆರ್‌.ಎಸ್‌. ಪ್ರೊಡಕ್ಷನ್ಸ್‌ ಮೂಲಕ ಮೈಸೂರು ಮೂಲದ ಕೆ. ರಮೇಶ್‌ ಹಾಗೂ ಬಿ.ಎಸ್‌. ಸಂಜಯ್‌ ಸೇರಿ ಈ ಚಿತ್ರವನ್ನು ನಿರ್ಮಾಣ ಮಾಡಿದ್ದಾರೆ. ಈ ಚಿತ್ರದಲ್ಲಿ ಉದಯ ಸೂರ್ಯ ಹಾಗೂ ವಿಶಾಲ್‌ ಇಬ್ಬರು ನಾಯಕರಾಗಿ ಕಾಣಿಸಿಕೊಂಡಿದ್ದು, ಅನುಗೌಡ ಮತ್ತು ಪ್ರೇಕ್ಷಾ ನಾಯಕಿಯರ ಪಾತ್ರವನ್ನು ನಿರ್ವಹಿಸಿದ್ದಾರೆ. ಮುಂಬೈ ಬೆಡಗಿ ಅನನ್ಯ ವಿಶೇಷ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.