ಹೊಸವರ್ಷಕ್ಕೆ ‘ಕಾಕ್ಟೇಲ್‌’ ಕಿಕ್‌

“ಕಾಕ್ಟೇಲ್‌’- ಹೀಗೊಂದು ವಿಭಿನ್ನ ಹೆಸರಿನ ಸಿನಿಮಾ ತೆರೆಗೆ ಬರುತ್ತಿರುವುದು ನಿಮಗೆ ಗೊತ್ತಿರಬಹುದು. ಈಗಾಗಲೇ ಸದ್ದಿಲ್ಲದೆ ಚಿತ್ರೀಕರಣ, ಪೋಸ್ಟ್‌ಪ್ರೊಡಕ್ಷನ್‌ ಕೆಲಸಗಳನ್ನು ಪೂರ್ಣಗೊಳಿಸಿರುವ “ಕಾಕ್ಟೇಲ್‌’ ಸಿನಿಮಾದ ಬಿಡುಗಡೆಗೆ ಮುಹೂರ್ತ ಫಿಕ್ಸ್‌ ಆಗಿದ್ದು, ಸಿನಿಮಾ ಇದೇ ಜ. 6ರಂದು ತೆರೆಗೆ ಬರುತ್ತಿದೆ.

ಸಸ್ಪೆನ್ಸ್‌-ಥ್ರಿಲ್ಲರ್‌ ಜೊತೆಗೆ ರೊಮ್ಯಾಂಟಿಕ್‌ ಮರ್ಡರ್‌ ಮಿಸ್ಟರಿ ಕಥಾಹಂದರ ಹೊಂದಿರುವ “ಕಾಕ್ಟೇಲ್‌’ ಸಿನಿಮಾದ ಮೂಲಕ ಯುವನಟ ವೀರೇನ್‌ ಕೇಶವ್‌ ನಾಯಕನಾಗಿ ಕಾಣಿಸಿಕೊಂಡಿದ್ದಾರೆ. ಅನುಪಮ್‌ ಕೇರ್‌ ನಟನಾ ಶಾಲೆಯಲ್ಲಿ ಅಭಿನಯ ತರಬೇತಿ ಪಡೆದುಕೊಂಡಿರುವ, ಕನ್ನಡದಲ್ಲಿ ಈಗಾಗಲೇ ಒಂದಷ್ಟು

ಸಿನಿಮಾಗಳಲ್ಲಿ ಬಣ್ಣ ಹಚ್ಚಿ ಸೈ ಎನಿಸಿಕೊಂಡಿರುವ ನಟ ವೀರೇನ್‌ ಕೇಶವ್‌, ಮೊದಲ ಬಾರಿಗೆ “ಕಾಕ್ಟೇಲ್‌’ ಸಿನಿಮಾದ ಮೂಲಕ ನಾಯಕ ನಟನಾಗಿ ಸ್ಯಾಂಡಲ್‌ವುಡ್‌ಗೆ ಪರಿಚಯವಾಗುತ್ತಿದ್ದಾರೆ.

“ಕಾಕ್ಟೇಲ್‌’ ಸಿನಿಮಾದಲ್ಲಿ ವೀರೇನ್‌ ಕೇಶವ್‌ಗೆ ಚರಿಷ್ಮಾ ನಾಯಕಿಯಾಗಿ ಜೋಡಿಯಾಗಿದ್ದಾರೆ. ಉಳಿದಂತೆ ಶೋಭರಾಜ್‌, ರಮೇಶ್‌ ಪಂಡಿತ್‌, ಶಿವಮಣಿ, ಕರಿಸುಬ್ಬು, ರಮೇಶ್‌ ಪಂಡಿತ್‌, ಚಂದ್ರಕಲಾ ಮೋಹನ್‌, ಮಹಾಂತೇಶ್‌ ಹಿರೇಮs… ಮೊದಲಾದ ಕಲಾವಿದರ ತಾರಾಗಣ ಚಿತ್ರದಲ್ಲಿದೆ.

ಇದನ್ನೂ ಓದಿ:ಯಡಿಯೂರಪ್ಪ, ವಿಜಯೇಂದ್ರ, ಶ್ರೀನಿವಾಸ ಪ್ರಸಾದ್ ನನಗೆ ಹಣ ಕೊಡಲು ಬಂದಿದ್ದರು‌: ವಿಶ್ವನಾಥ್

“ವಿಜಯಲಕ್ಷ್ಮೀ ಕಂಬೈನ್ಸ್‌’ ಬ್ಯಾನರ್‌ ನಡಿ ಡಾ. ಶಿವಪ್ಪ ನಿರ್ಮಿಸಿರುವ “ಕಾಕ್ಟೇಲ್‌’ ಸಿನಿಮಾಕ್ಕೆ ಶ್ರೀರಾಮ್‌ ಕಥೆ, ಚಿತ್ರಕಥೆ, ಸಂಭಾಷಣೆ ಬರೆದು ನಿರ್ದೇಶನ ಮಾಡಿದ್ದಾರೆ. “ಕಾಕ್ಟೇಲ್‌’ ಸಿನಿಮಾದ ಹಾಡುಗಳಿಗೆ ಲೋಕಿ ತವಸ್ಯ ಸಂಗೀತ ಸಂಯೋಜಿಸಿದ್ದು, ರವಿವರ್ಮ ಛಾಯಾಗ್ರಹಣ, ಮೋಹನ್‌ ಎಲ್‌. ರಂಗಕಹಳೆ ಸಂಕಲನವಿದೆ.

ಈಗಾಗಲೇ ಬಿಡುಗಡೆಯಾಗಿರುವ “ಕಾಕ್ಟೇಲ್‌’ ಸಿನಿಮಾದ ಹಾಡುಗಳಿಗೆ ಸೊಶಿಯಲ್‌ ಮೀಡಿಯಾ ದಲ್ಲಿ ಉತ್ತಮ ಪ್ರತಿ ಕ್ರಿಯೆ ಸಿಗುತ್ತಿದ್ದು, ಸಿನಿಮಾ ಥಿಯೇಟರ್‌ನಲ್ಲಿ ಪ್ರೇಕ್ಷಕ ರಿಗೆ ಎಷ್ಟರ ಮಟ್ಟಿಗೆ ಕಿಕ್‌ ನೀಡಲಿದೆ ಎಂಬುದು ಹೊಸವರ್ಷದ ಆರಂಭದಲ್ಲಿ ಗೊತ್ತಾಗಲಿದೆ.