Kalladka: ಪಿಕಪ್‌ ವಾಹನ ಕಳವು

ಬಂಟ್ವಾಳ: ರಾ.ಹೆ. 75ರ ಕಲ್ಲಡ್ಕ ಸಮೀಪದ ಕೆ.ಸಿ.ರೋಡಿನ ಗ್ಯಾರೇಜೊಂದರಲ್ಲಿ ನಿಲ್ಲಿಸಿದ್ದ ಪಿಕಪ್‌ ವಾಹನವನ್ನು ಕಳವು ನಡೆಸಿದ ಘಟನೆ ಆ. 22 ರಂದು ಬೆಳಕಿಗೆ ಬಂದಿದೆ.
ಮಾಣಿ ನಿವಾಸಿ ನವೀನ್‌ ಅವರು ಆ. 18ರಂದು ಸಂಜೆ ಪಿಕಪ್‌ ವಾಹನವನ್ನು ನಿಲ್ಲಿಸಿ ತೆರಳಿದ್ದು, ಆ. 22ರಂದು ಬೆಳಗ್ಗೆ ಬಂದು ನೋಡಿದಾಗ ವಾಹನ ಅಲ್ಲಿರಲಿಲ್ಲ.

ಈ ಕುರಿತು ಪರಿಸರದಲ್ಲಿ ವಿಚಾರಣೆ ನಡೆಸಿದಾಗಲೂ ಪತ್ತೆಯಾಗಿಲ್ಲ. ಕಳವಾದ ಪಿಕಪ್‌ ವಾಹನದ ಮೌಲ್ಯ 3 ಲಕ್ಷ ರೂ. ಎಂದು ಅಂದಾಜಿಸಲಾಗಿದ್ದು, ಬಂಟ್ವಾಳ ನಗರ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.