ಅಟ್ಲಾಂಟಾ ಓಪನ್‌: ಸೆಮಿ ಪ್ರವೇಶಿಸಿದ ಜಾನ್‌ ಇಸ್ನರ್‌

ಲಾಸ್‌ ಏಂಜಲೀಸ್‌: ಜರ್ಮನಿಯ ಮಿಶಾ ಜ್ವೆರೇವ್‌ ಅವರನ್ನು 7-5, 4-6, 6-1 ಅಂತರದಿಂದ ಪರಾಭವಗೊಳಿಸಿದ ಅಮೆರಿಕದ ಜಾನ್‌ ಇಸ್ನರ್‌ “ಅಟ್ಲಾಂಟಾ ಓಪನ್‌’ ಟೆನಿಸ್‌ ಪಂದ್ಯಾವಳಿಯ ಸೆಮಿಫೈನಲ್‌ ತಲುಪಿದ್ದಾರೆ.  ಕಳೆದ ವರ್ಷ ಜ್ವೆರೇವ್‌ ವಿರುದ್ಧ ಆಡಿದ ಎಲ್ಲ 3 ಪಂದ್ಯಗಳಲ್ಲೂ ಜಾನ್‌ ಇಸ್ನರ್‌ ಪರಾಭವಗೊಂಡಿದ್ದರು. ಈ ಜಯದೊಂದಿಗೆ ಇವರಿಬ್ಬರ ಗೆಲುವು-ಸೋಲಿನ ದಾಖಲೆ 3-3ರಿಂದ ಸಮನಾಯಿತು.

ಕಳೆದ ವಿಂಬಲ್ಡನ್‌ನಲ್ಲಿ ಸೆಮಿಫೈನಲ್‌ ತನಕ ಸಾಗಿದ್ದ ಇಸ್ನರ್‌ ಅಟ್ಲಾಂಟಾ ಸೆಮಿ ಕಾಳಗದಲ್ಲಿ ಆಸ್ಟ್ರೇಲಿಯದ ಮ್ಯಾಥ್ಯೂ ಎಬೆxನ್‌ ವಿರುದ್ಧ ಸೆಣಸಲಿದ್ದಾರೆ. ಎಬೆನ್‌ ಸೈಪ್ರಸ್‌ನ ಮಾರ್ಕೋಸ್‌ ಬಗ್ಧಾಟಿಸ್‌ ಅವರನ್ನು 6-3, 6-2 ಅಂತರದಿಂದ ಪರಾಭವಗೊಳಿಸಿದರು. ಇದು ಪ್ರಸಕ್ತ ವರ್ಷ ಎಬೆನ್‌ ಕಾಣುತ್ತಿರುವ 2ನೇ ಸೆಮಿಫೈನಲ್‌. ಇನ್ನೊಂದು ಸೆಮಿಫೈನಲ್‌ ರಿಯಾನ್‌ ಹ್ಯಾರಿಸನ್‌ ಮತ್ತು ಕ್ಯಾಮರಾನ್‌ ನೋರಿಸ್‌ ನಡುವೆ ನಡೆಯಲಿದೆ.