ಜಾರ್ಖಂಡ್‌ ಮುನಿಸಿಪಲ್‌ ಚುನಾವಣೆ: ಮತ ಎಣಿಕೆ, ಬಿಜೆಪಿ ಪಾರಮ್ಯ

ರಾಂಚಿ, ಜಾರ್ಖಂಡ್‌: ಇದೇ ಎಪ್ರಿಲ್‌ 16ರಂದು ನಡೆದಿದ್ದ ಜಾರ್ಖಂಡ್‌ ಮುನಿಸಿಪಲ್‌ ಚುನಾವಣೆಯ ಮತ ಎಣಿಕೆಯೊಂದಿಗೆ ಫ‌ಲಿತಾಂಶಗಳು ಇಂದು ಶುಕ್ರವಾರ ಪ್ರಕಟವಾಗುತ್ತಿದ್ದು  ರಾಜ್ಯದಲ್ಲಿನ ಆಳುವ ಬಿಜೆಪಿ ತನ್ನ ಪಾರಮ್ಯವನ್ನು ತೋರುತ್ತಿದೆ. 

ಅನೇಕ ಪೌರಾಡಳಿತೆಗಳಲ್ಲಿ ಬಿಜೆಪಿ ಪ್ರಬಲ ಲೀಡ್‌ ಸ್ಥಾಪಿಸಿದೆ. ಅನಂತರದ ಬೆಳವಣಿಗೆಯಲ್ಲಿ ವಿರೋಧ ಪಕ್ಷಗಳಾದ ಕಾಂಗ್ರೆಸ್‌, ಜಾರ್ಖಂಡ್‌ ಮುಕ್ತಿ ಮೋರ್ಚಾ  (ಜೆಎಂಎಂ) ಮತ್ತು ಜಾರ್ಖಂಡ್‌ ವಿಕಾಸ್‌ ಮೋರ್ಚಾ (ಜೆವಿಎಂ) ಗಮನಾರ್ಹ ಗಳಿಕೆಯನ್ನು ಸ್ಥಾಪಿಸಿವೆ. 

ಜಾರ್ಖಂಡ್‌ನ‌ 34 ಪೌರಾಡಳಿತೆಗಳಿಗೆ ನಡೆದಿರುವ ಚುನಾವಣೆಯಲ್ಲಿ ಬಿಜೆಪಿ, ಕಾಂಗ್ರೆಸ್‌ ಮತ್ತು ಜೆಎಂಎಂ ನಡುವೆ ತ್ರಿಕೋನ ಸ್ಪರ್ಧೆ ಏರ್ಪಟ್ಟಿತ್ತು. 

ಜಾರ್ಖಂಡ್‌ ಸಿಎಂ ರಘುಬರ್‌ ದಾಸ್‌ ಅವರು ರಾಜ್ಯದಲ್ಲಿನ ಪೌರಾಡಳಿತೆಗೆ ನಡೆದಿರುವ ಚುನಾವಣೆಯಲ್ಲಿ ಬಿಜೆಪಿಯ ವಿಜಯಕ್ಕೆ ಪ್ರಧಾನಿ ನರೇಂದ್ರ ಮೋದಿ ಮತ್ತು ಪಕ್ಷದ ಅಧ್ಯಕ್ಷ ಅಮಿತ್‌ ಶಾ ಅವರೇ ಕಾರಣರಾಗಿದ್ದು ಆ ಕಾರಣಕ್ಕೆ ಅವರನ್ನು ಅಭಿನಂದಿಸಿದ್ದಾರೆ.