ಪಾಟ್ನಾ: ಹೋಮ್‌ ವರ್ಕ್‌ ಮಾಡದ ಕಾರಣಕ್ಕೆ ವಿದ್ಯಾರ್ಥಿಯನ್ನು ಶಿಕ್ಷಕನೊಬ್ಬ ಹಿಗ್ಗಾಮುಗ್ಗಾ ಥಳಿಸಿರುವ ಘಟನೆ ಬಿಹಾರದ ಅರ್ವಾಲ್ ಜಿಲ್ಲೆಯ ಉಮೈರಾಬಾದ್ ಪ್ರದೇಶದ ಹಿಮಾಲಯನ್ ವಸತಿ ಶಾಲೆಯಲ್ಲಿ ನಡೆದಿರುವುದು ವರದಿಯಾಗಿದೆ.
ಐದನೇ ತರಗತಿಯಲ್ಲಿ ಓದುತ್ತಿರುವ ಅಮೃತ್ ರಾಜ್ ಅವರು ಅನಾರೋಗ್ಯವಾದ ಕಾರಣ ಶಾಲೆಗೆ ರಜೆ ಹಾಕಿದ್ದರು. ಇದರಿಂದಾಗಿ ಹಿಂದಿನ ದಿನ ಕೊಟ್ಟ ಹೋಮ್‌ ವರ್ಕ್‌ ಮಾಡಲು ಸಾಧ್ಯವಾಗಿರಲಿಲ್ಲ. ಗುಣಮುಖವಾಗಿ ಶಾಲೆಗೆ ಬಂದಾಗ ಸಹಾಯಕ ಶಿಕ್ಷಕನಾಗಿ ಹುದ್ದೆಯಲ್ಲಿದ್ದ ಪ್ರಿನ್ಸ್ ಕುಮಾರ್ ಅಮೃತ್ ಬಳಿ ಹೋಮ್‌ ವರ್ಕ್‌ ಮಾಡಿ ಯಾಕೆ ಬಂದಿಲ್ಲವೆಂದು ಕೇಳಿದ್ದಾರೆ.
ಇದನ್ನೂ ಓದಿ: Viral Video: ಪಟಾಕಿ ಸಿಡಿಸುತ್ತಿದ್ದ ವಧುವಿನ ಸಂಬಂಧಿಕರ ಮೇಲೆ ಕಾರು ಹತ್ತಿಸಿದ ವರನ ಕಡೆಯವ
ಇದಕ್ಕೆ ಅಮೃತ್ ಅನಾರೋಗ್ಯವಾಗಿದ್ದ ಕಾರಣವನ್ನು ಹೇಳಿದ್ದಾರೆ. ಆದರೆ ಶಿಕ್ಷಕ ಪ್ರಿನ್ಸ್ ಕುಮಾರ್ ವಿದ್ಯಾರ್ಥಿಯ ಮಾತನ್ನು ಕೇಳದೆ ಬೆತ್ತದಿಂದ ಹೊಡೆದಿದ್ದಾರೆ. ಹಿಗ್ಗಾಮುಗ್ಗಾವಾಗಿ ಥಳಿಸಿದ ಕಾರಣಕ್ಕೆ ಅಮೃತ್ ಅವರ ಕಣ್ಣಿಗೆ ಬಲವಾಗಿ ಏಟಾಗಿದೆ.
ಕೂಡಲೇ ಅಮೃತ್ ಅವರನ್ನು ಸ್ಥಳೀಯ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಅಲ್ಲಿಂದ ಹೆಚ್ಚಿನ ಚಿಕಿತ್ಸೆಗಾಗಿ ಐಜಿಎಂಎಸ್ ಪಾಟ್ನಾದ ಕಣ್ಣಿನ ವಿಭಾಗಕ್ಕೆ ಕರೆದುಕೊಂಡು ಹೋಗಲಾಗಿದೆ. ಆಳವಾದ ಗಾಯದಿಂದಾಗಿ ಅಮೃತ್ ಕಡಿಮೆ ದೃಷ್ಟಿ ಮತ್ತು ರೆಟಿನಾದ ಹಾನಿಯಿಂದ ಬಳಲುತ್ತಿದ್ದಾರೆ ಎಂದು ವೈದ್ಯರು ಹೇಳಿದ್ದಾರೆ.
ಮಗನ ಕಲಿಯುತ್ತಿರುವ ಶಾಲೆಯಲ್ಲೇ ಶಿಕ್ಷಕರಾಗಿರುವ ಸಂಜೀತ್ ಕುಮಾರ್ ಘಟನೆ ಸಂಬಂಧ ಶಿಕ್ಷಕ ಪ್ರಿನ್ಸ್ ಕುಮಾರ್, ಶಾಲೆಯ ಪ್ರಿನ್ಸಿಪಾಲ್ ರಂಜೀತ್ ಸಿಂಗ್ ಮತ್ತು ಅವರ ಪತ್ನಿ ಕೂಡ ಹಲ್ಲೆ ಆರೋಪ ಮಾಡಿದ್ದಾರೆ ಎಂದು ಆರೋಪಿಸಿ ಸದರ್ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.
ಸದ್ಯ ಪೊಲೀಸರು ಈ ಬಗ್ಗೆ ತನಿಖೆ ನಡೆಸಿ ಆರೋಪಿಗಳನ್ನು ಬಂಧಿಸುವುದಾಗಿ ಹೇಳಿದ್ದಾರೆ ಎಂದು ವರದಿ ತಿಳಿಸಿದೆ.
