Mangaluru ಫ್ಲ್ಯಾಟ್‌ನಿಂದ ಚಿನ್ನಾಭರಣ ಕಳವು

ಮಂಗಳೂರು: ಫ್ಲ್ಯಾಟ್‌ವೊಂದರಿಂದ ಚಿನ್ನಾಭರಣ ಕಳವು ಮಾಡಿರುವ ಘಟನೆ ನಗರದ ಬರ್ಕೆ ಪೊಲೀಸ್‌ ಠಾಣಾ ವ್ಯಾಪ್ತಿಯಲ್ಲಿ ಸಂಭವಿಸಿದೆ.

ಫ್ಲ್ಯಾಟ್‌ನಲ್ಲಿದ್ದವರು ಜೂ. 6ರಂದು ಸಂಜೆ 6.30ಕ್ಕೆ ಫ್ಲ್ಯಾಟ್‌ಗೆ ಬೀಗ ಹಾಕಿ ಪಡುಬಿದ್ರಿಗೆ ತೆರಳಿದ್ದರು. ಮರುದಿನ ಬೆಳಗ್ಗೆ 8.30ಕ್ಕೆ ಬಂದು ನೋಡಿದಾಗ ಕಳವಾಗಿರುವುದು ಗಮನಕ್ಕೆ ಬಂದಿದೆ.

ಕಳ್ಳರು ಫ್ಲ್ಯಾಟ್‌ನ ಹಿಂಬದಿ ಬಾಗಿಲಿನ ಮೂಲಕ ಒಳಪ್ರವೇಶಿಸಿ ಡೈಮಂಡ್‌ ನೆಕ್ಲೆಸ್‌, ಕಿವಿಯೋಲೆ, ಮಗುವಿನ ಚಿನ್ನದ ಸರ, ಡೈಮಂಡ್‌ ರಿಂಗ್‌, ಚಿನ್ನದ ಉಂಗುರಗಳು, ಬಳೆ, ಬ್ರಾಸ್‌ಲೆಟ್‌, ಚಿನ್ನದ ನಾಣ್ಯ ಸೇರಿದಂತೆ ಒಟ್ಟು ಅಂದಾಜು 8.30 ಲ.ರೂ. ಮೌಲ್ಯದ ಚಿನ್ನ, 30,000 ರೂ. ಮೌಲ್ಯದ ಮೊಬೈಲ್‌ ಫೋನ್‌ ಕಳವು ಮಾಡಿದ್ದಾರೆ.