Theft Case ಲಕ್ಷಾಂತರ ರೂ.ಮೌಲ್ಯದ ಚಿನ್ನಾಭರಣ ಕಳವು

ಮಣಿಪಾಲ: ಮನೆಯೊಂದರಲ್ಲಿದ್ದ ಲಕ್ಷಾಂತರ ರೂ. ಮೌಲ್ಯದ ಚಿನ್ನಾಭರಣ ಕಳವಾದ ಘಟನೆ ನಡೆದಿದೆ.

ಉಡುಪಿ ಪುತ್ತೂರಿನ ಪದ್ಮಶ್ರೀ ಮೇ 27ರಂದು ಮನೆಗೆ ಹೋಗಿದ್ದು ಅವರ ತಾಯಿಯವರು ಮನೆಯಕೋಣೆಯಲ್ಲಿದ್ದ ಸೂಟ್‌ಕೇಸ್‌ ಕೀ ಕಾಣುತ್ತಿಲ್ಲ ಎಂದು ತಿಳಿಸಿದ್ದರು. ಎಲ್ಲ ಕಡೆ ಹುಡುಕಾಡಿದರೂ ಕೀ ಸಿಕ್ಕಿರಲಿಲ್ಲ. ಬಳಿಕ ಸೂð ಡ್ರೈವರ್‌ನಿಂದ ಸೂಟ್‌ಕೇಸ್‌ ತೆಗೆದು ನೋಡಿದಾಗ ಒಳಗಡೆ ಇದ್ದ ಬಾಕ್ಸ್‌ನಲ್ಲಿ ಚಿನ್ನ ಅಲುಗಾಡಿದಂತೆ ಭಾಸವಾಯಿತು. ಬಳಿಕ ಅದನ್ನು ಅಲ್ಲಿಯೇ ಇಟ್ಟು ತನ್ನ ಸಂತೆಕಟ್ಟೆಯ ಮನೆಗೆ ಹೋಗಿದ್ದರು. ಮೇ 28ರಂದು ಬೆಳಗ್ಗೆ ಅವರ ತಾಯಿ ಕರೆ ಮಾಡಿ ಸೂಟ್‌ಕೇಸ್‌ನಲ್ಲಿದ್ದ ಚಿನ್ನ ಕಾಣಿಸುತ್ತಿಲ್ಲ ಎಂದು ತಿಳಿಸಿದ್ದಾರೆ.

ಮನೆಗೆ ಬಂದು ನೋಡಿದಾಗ ಬಾಕ್ಸ್‌ನಲ್ಲಿದ್ದ 2,88,000 ರೂ.ಮೌಲ್ಯದ ಚಿನ್ನಾಭರಣ ಕಳವಾಗಿತ್ತು. ಮನೆಯ ಕೆಲಸಕ್ಕೆ ಬರುತ್ತಿದ್ದ ಸಂತೋಷ್‌ ಅಥವಾ ಯಾರೋ ಕಳ್ಳರೂ ಕಳವು ಮಾಡಿರುವ ಸಾಧ್ಯತೆ ಇದೆ ಎಂದು ಪದ್ಮಶ್ರೀ ಅವರು ಹಿರಿಯಡ್ಕ ಠಾಣೆಗೆ ನೀಡಿರುವ ದೂರಿನಲ್ಲಿ ತಿಳಿಸಿದ್ದಾರೆ.