ಏಕದಿನ ತಂಡಕ್ಕೆ ಮರಳಿದ ಜಾಸನ್‌ ರಾಯ್‌

ಲಂಡನ್‌: ಫಿಟ್‌ನೆಸ್‌ನಲ್ಲಿ ತೇರ್ಗಡೆಯಾದ ಇಂಗ್ಲೆಂಡಿನ ಆರಂಭಕಾರ ಜಾಸನ್‌ ರಾಯ್‌ ಏಕದಿನ ತಂಡಕ್ಕೆ ಮರಳಿದ್ದಾರೆ. ಪ್ರವಾಸಿ ಆಸ್ಟ್ರೇಲಿಯ ಎದುರಿನ 3 ಪಂದ್ಯಗಳ ಸರಣಿಗಾಗಿ ರಾಯ್‌ ಅವರನ್ನು ತಂಡಕ್ಕೆ ಸೇರಿಸಿಕೊಳ್ಳಲಾಗಿದೆ.

ಟಿ20 ಸರಣಿಯಲ್ಲಿ ಮಿಂಚಿ, ಬ್ಯಾಟಿಂಗ್‌ ರ್‍ಯಾಂಕಿಂಗ್‌ನಲ್ಲಿ ಅಗ್ರಸ್ಥಾನ ಅಲಂಕರಿಸಿದ ಡೇವಿಡ್‌ ಮಾಲನ್‌ ಮೀಸಲು ಕ್ರಿಕೆಟಿಗನಾಗಿದ್ದಾರೆ. ಈ ಯಾದಿಯಲ್ಲಿರುವ ಉಳಿದಿಬ್ಬರು ಆಟಗಾರರೆಂದರೆ ಫಿಲ್‌ ಸಾಲ್ಟ್ ಮತ್ತು ಶಕೀಬ್‌ ಮಹಮೂದ್‌. ಶುಕ್ರವಾರದಿಂದ ಏಕದಿನ ಸರಣಿ ಆರಂಭವಾಗಲಿದ್ದು, ಎಲ್ಲ ಪಂದ್ಯಗಳು ಮ್ಯಾಂಚೆಸ್ಟರ್‌ನ ಓಲ್ಡ್‌ ಟ್ರಾಫ‌ರ್ಡ್‌ ಅಂಗಳದಲ್ಲಿ ನಡೆಯಲಿವೆ.

ಇಂಗ್ಲೆಂಡ್‌ ತಂಡ: ಇಯಾನ್‌ ಮಾರ್ಗನ್‌ (ನಾಯಕ), ಮೊಯಿನ್‌ ಅಲಿ, ಜೋಫ್ರ ಆರ್ಚರ್‌, ಜಾನಿ ಬೇರ್‌ಸ್ಟೊ, ಟಾಮ್‌ ಬ್ಯಾಂಟನ್‌, ಸ್ಯಾಮ್‌ ಬಿಲ್ಲಿಂಗ್ಸ್‌, ಜಾಸ್‌ ಬಟ್ಲರ್‌, ಸ್ಯಾಮ್‌ ಕರನ್‌, ಟಾಮ್‌ ಕರನ್‌, ಆದಿಲ್‌ ರಶೀದ್‌, ಜೋ ರೂಟ್‌, ಜಾಸನ್‌ ರಾಯ್‌, ಕ್ರಿಸ್‌ ವೋಕ್ಸ್‌, ಮಾರ್ಕ್‌ ವುಡ್‌.