ಗೋ-ಏರ್‌ನಲ್ಲಿ ತಾಂತ್ರಿಕ ದೋಷ: ಲೇಹ್‌ಗೆ ಮರಳಿದ ವಿಮಾನ

ಜಮ್ಮು : 112 ಪ್ರಯಾಣಿಕರನ್ನು  ಮತ್ತು ಚಾಲಕ ಸಿಬಂದಿಗಳನ್ನು ಒಳಗೊಂಡು ಜಮ್ಮು ಗೆ ಹೋಗುತ್ತಿದ್ದ ಗೋ-ಏರ್‌ ವಿಮಾನ ಟೇಕಾಫ್ ಆದ ಹತ್ತೇ ನಿಮಿಷಗಳಲ್ಲಿ  ತಾಂತ್ರಿಕ ಸಮಸ್ಯೆಗೆ ಗುರಿಯಾಗಿ, ಒಡನೆಯೇ ಲೇಹ್‌ ವಿಮಾನ ನಿಲ್ದಾಣಕ್ಕೆ ಮರಳಿದ ಘಟನೆ ವರದಿಯಾಗಿದೆ.

ದಿಲ್ಲಿ – ಲೇಸ್‌ – ಜಮ್ಮು ಪ್ರಯಾಣದ ಗೋ-ಏರ್‌ ವಿಮಾನವು ಇಂದು ಬೆಳಗ್ಗೆ 9.20ರ ಹೊತ್ತಿಗೆ ಲಡ್ಡಾಕ್‌ ಪ್ರಾಂತ್ಯದಲ್ಲಿನ ಲೇಹ್‌ ವಿಮಾನ ನಿಲ್ದಾಣದಿಂದ ಜಮ್ಮವಿಗೆ ಹೊರಟಿತ್ತು. ಟೇಕಾಫ್ ಆದ ಹತ್ತೇ ನಿಮಿಷಗಳಲ್ಲಿ ಅದು ತಾಂತ್ರಿಕ ತೊಂದರೆಗಳಿಗೆ ಗುರಿಯಾಗಿ ಲೇಹ್‌ಗೆ ಮರಳಿತು ಎಂದು ಗೋ-ಏರ್‌ ಅಧಿಕಾರಿಗಳು ತಿಳಿಸಿದ್ದಾರೆ. 

ವಿಮಾನದಲ್ಲಿ ತಾಂತ್ರಿಕ ತೊಂದರೆಗಳನ್ನು ದುರಸ್ತಿ ಮಾಡಲು ದಿಲ್ಲಿಯಿಂದ ತಜ್ಞ ಇಂಜಿನಿಯರ್‌ಗಳು ಹೊರಟ್ಟಿದ್ದಾರೆ. ಆದರೆ ವಿಮಾನವು ತನ್ನ ಮುಂದಿನ ಪ್ರಯಾಣವು ನಾಳೆ ಭಾನುವಾರವಷ್ಟೆ ಕೈಗೊಳ್ಳಲು ಸಾಧ್ಯವಾದೀತು ಎನ್ನಲಾಗಿದೆ.