ಜಗ, ಜನ ಮೆಚ್ಚಿದ ಪಿಎಂ ಮೋದಿ ಸಾಧನೆಗಳಿವು 

ಪ್ರಧಾನಿ ನರೇಂದ್ರ ಮೋದಿ ನೇತೃತ್ವದ ಕೇಂದ್ರ ಸರಕಾರ ನಾಲ್ಕು ವರ್ಷಗಳನ್ನು ಪೂರೈಸಿ, 
ಐದನೇ ವರ್ಷದತ್ತ ಸಾಗುತ್ತಿದೆ. ಈ ಹಿನ್ನೆಲೆಯಲ್ಲಿ ಕಳೆದ 4 ವರ್ಷಗಳಲ್ಲಿ ನರೇಂದ್ರ ಮೋದಿ ಸರಕಾರ ವಿವಿಧ ಕ್ಷೇತ್ರಗಳಲ್ಲಿ ಸಾಧಿಸಿರುವ ಪ್ರಗತಿಯ ನೋಟ ಇಲ್ಲಿದೆ. 

 ಜನಧನ ಯೋಜನೆ
– ಪ್ರಧಾನಿ ಮೋದಿಯವರ ಕನಸಿನ ಯೋಜನೆೆ. ಬ್ಯಾಂಕಿಂಗ್‌ ವಹಿವಾಟಿಗೆ ಒಳಪಡದೇ ಇರುವವರನ್ನು ಸೇರ್ಪಡೆಗೊಳಿಸುವ ಯೋಜನೆ ಇದಾಗಿದೆ. 
– 31.52 ಕೋಟಿ- ತೆರೆಯಲಾದ ಜನಧನ ಖಾತೆಗಳು
– ಶೇ.55- 2014-2017ರಲ್ಲಿ ವಿಶ್ವ ಬ್ಯಾಂ ಕ್‌ನ ವರದಿ ಪ್ರಕಾರ, ಜಾಗತಿಕ ಮಟ್ಟದಲ್ಲಿ ಹೊಸದಾಗಿ ತೆರೆಯಲಾಗಿರುವ ಖಾತೆಗಳ ಪೈಕಿ ಭಾರತದಲ್ಲಿನ ಪ್ರಮಾಣ
– ಅಂಚೆ ಪಾವತಿ ಬ್ಯಾಂಕ್‌- ಇದರಿಂದಾಗಿ ಬ್ಯಾಂಕಿಂಗ್‌ ವ್ಯವಸ್ಥೆ ಇರದ ಸ್ಥಳದಲ್ಲಿ ಬ್ಯಾಂಕಿಂಗ್‌ ಸೇವೆ ಸಿಗುವಂತಾಗಿದೆ

ಜನಸುರಕ್ಷಾ ಯೋಜನೆ
– ಬಡವರಿಗೆ ವಿಮೆ ಯೋಜನೆ.
– 13. 25 ಕೋಟಿ ಮಂದಿಗೆ ಪ್ರಯೋಜನ. ವರ್ಷಕ್ಕೆ 12 ರೂ. ವಿಮಾ ಕಂತು
– 330 ರೂ. ವಾರ್ಷಿಕ ಪ್ರೀಮಿಯಂ ಇರುವ ಪಿ.ಎಂ. ಜೀವನ್‌ ಜ್ಯೋತಿ ವಿಮಾ ಯೋಜನೆ. 5.22 ಕೋಟಿ ಮಂದಿಗೆ ಲಾಭ
– ಅಟಲ್‌ ಪಿಂಚಣಿ ಯೋಜನೆಯಿಂದ 1 ಕೋಟಿ ಮಂದಿಗೆ ಲಾಭ
– ಪಿ.ಎಂ.ವಯೋ ವಂದನಾ ಯೋಜನೆಯಿಂದ ಹಿರಿಯ ನಾಗರಿಕರಿಗೆ ಆರ್ಥಿಕ ಭದ್ರತೆ. ಶೇ.8ರ ಬಡ್ಡಿ ದರದಲ್ಲಿ 10 ವರ್ಷಗಳ ಕಾಲ ಈ ಸೌಲಭ್ಯ. ಹೂಡಿಕೆ ಮಿತಿ 15 ಲಕ್ಷ ರೂ.ಗೆ ವಿಸ್ತರಣೆ. 2020ರ ವರೆಗೆ ಯೋಜನೆ ಲಭ್ಯ

ಭಾರತವೇ ಎಂಜಿನ್‌
– ಜಗತ್ತಿನಲ್ಲಿಯೇ ಅತ್ಯಂತ ವೇಗವಾಗಿ ಬೆಳವ ಣಿಗೆ ಸಾಧಿಸುತ್ತಿರುವ ಅರ್ಥ ವ್ಯವಸ್ಥೆ ಭಾರತ
– 2013-2017ನೇ ಸಾಲಿನಲ್ಲಿ ದೇಶದ ಜಿಡಿಪಿ ಶೇ.31ರಷ್ಟು ವೃದ್ಧಿ. ಜಾಗತಿಕವಾಗಿ ಹೋಲಿಕೆ ಮಾಡಿದರೆ ವೃದ್ಧಿಯಾದದ್ದು ಶೇ.4.
– ಎಲ್ಲ ರೀತಿಯ ಬಂಡವಾಳ ಹೂಡಿಕೆ ಮತ್ತು ಸಣ್ಣ ಪ್ರಮಾಣದ ಅರ್ಥ ವ್ಯವಸ್ಥೆಯ ಅಭಿವೃದ್ಧಿಯಲ್ಲಿ ಸಾಧನೆ

ಯೋಗಕ್ಕೆ ವಿಶ್ವ ಮಾನ್ಯತೆ
ಪ್ರತಿ ವರ್ಷ ಜೂ.21ರಂದು ವಿಶ್ವ ಯೋಗ ದಿನ. ವಿಶ್ವಸಂಸ್ಥೆಯಿಂದಲೇ ಇದಕ್ಕೆ ಮಾನ್ಯತೆ ಮತ್ತು ಯುನೆಸ್ಕೋ ವತಿಯಿಂದ ಅನುಮೋದನೆ

 ನೇರ ನಗದು ವರ್ಗ
– ಫ‌ಲಾನುಭವಿಗಳ ಖಾತೆಗೆ ಸಬ್ಸಿಡಿ ಮೊತ್ತ
– ಮಧ್ಯವರ್ತಿಗಳ ಕಾಟಕ್ಕೆ ತೆರೆ
– ಪಹಲ್‌ ಯೋಜನೆಯಲ್ಲಿ 20.14 ಕೋಟಿ ಭಾಗಿ. 69,815 ಕೋಟಿ ರೂ. ಫ‌ಲಾನುಭವಿಗಳಿಗೆ ವರ್ಗಾವಣೆ
– 431 ಯೋಜನೆಗಳ 3,65, 996 ಕೋಟಿ ರೂ. ಮೊತ್ತ ಖಾತೆಗಳಿಗೇ ಜಮೆ

 ಆಹಾರ ಭದ್ರತೆ
– 80 ಕೋಟಿಗಿಂತಲೂ ಅಧಿಕ ಜನರಿಗೆ ಆಹಾರ ಭದ್ರತೆ
– 36 ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳಲ್ಲಿನ ಜನರಿಗೆ ಯೋಜನೆ ವಿಸ್ತರಣೆ