ಜೈಪುರ ಸಮೀಪ ಹಳಿ ತಪ್ಪಿದ ಜಬಲ್ಪುರ –ಅಜ್‌ಮೇರ್‌ ಎಕ್ಸ್‌ಪ್ರೆಸ್‌ ರೈಲು

ಜೈಪುರ : ಜೈಪುರ ಮತ್ತು ಅಜ್‌ಮೇರ್‌ ನಡುವಿನ ಸೂಪರ್‌ ಫಾಸ್ಟ್‌  ರೈಲು ಇಂದು ಶುಕ್ರವಾರ ಹಳಿ ತಪ್ಪಿರುವುದಾಗಿ ಅಧಿಕಾರಿಗಳು ತಿಳಿಸಿದ್ದಾರೆ.

ಜೈಪುರದಿಂದ ಸುಮಾರು 15 ಕಿ.ಮೀ.ದೂರದ ಸಂಗನೇರ್‌ ರೈಲು ನಿಲ್ದಾಣಕ್ಕೆ ಸಮೀಪ ಮಧ್ಯಾಹ್ನ 1 ಗಂಟೆಯ ಸುಮಾರಿಗೆ ದಯೋದಯ ಎಕ್ಸ್‌ಪ್ರೆಸ್‌ನ ಇಂಜಿನ್‌ ಮಗುಚಿಕೊಂಡಿತು. ಆ ಕೂಡಲೇ ಇಂಜಿನ್‌ ಬೆನ್ನಿಗಿದ್ದ ಕೋಚ್‌ ಹಳಿ ತಪ್ಪಿತು ಎಂದು ಉತ್ತರ ರೈಲ್ವೆ ವಕ್ತಾರ ತಿಳಿಸಿದರು. 

ರೈಲಿನ ಡ್ರೈವರ್‌ಗೆ ಗಾಯಗಳಾದವು; ಆದರೆ ಯಾವುದೇ ಪ್ರಯಾಣಿಕರಿಗೆ ಗಾಯಗಳಾಗಿಲ್ಲ ಎಂದು ಪೊಲೀಸರು ತಿಳಿಸಿದ್ದಾರೆ. 

ದಯೋದಯ ಎಕ್ಸ್‌ಪ್ರೆಸ್‌ ಮಧ್ಯಪ್ರದೇಶದ ಜಬಲ್ಪುರ ಮತ್ತು ರಾಜಸ್ಥಾನದ ಅಜ್‌ಮೇರ್‌ ನಡುವೆ ಸಂಚರಿಸುತ್ತದೆ.