ನಾಳೆ ಜಿಸ್ಯಾಟ್‌-17 ಉಡಾವಣೆ

ನವದೆಹಲಿ: ದೇಶದ ಸಂಪರ್ಕ ಕ್ಷೇತ್ರದ ಬಲವನ್ನು ಮತ್ತಷ್ಟು ವೃದ್ಧಿಸುವ ನಿಟ್ಟಿನಲ್ಲಿ ಶುಕ್ರವಾರ ಜಿಸ್ಯಾಟ್‌-17ನ್ನು ಫ್ರೆಂಚ್‌ ಗಯಾನಾದ ಕುರೋವುನಿಂದ ಉಡಾಯಿಸಲಾಗುತ್ತದೆ. ಭಾರತೀಯ ಕಾಲಮಾನ ಬೆಳಗ್ಗೆ 2.29ಕ್ಕೆ ಸಮಯ ನಿಗದಿಯಾಗಿದೆ. 

3,477 ಕೆಜಿ ತೂಕ ಹೊಂದಿರುವ ಜಿಸ್ಯಾಟ್‌ ಸಾಮಾನ್ಯ ಸಿ ಬ್ಯಾಂಡ್‌, ವಿಸ್ತೃತ ಸಿ ಬ್ಯಾಂಡ್‌ ಮತ್ತು ಎಸ್‌ ಬ್ಯಾಂಡ್‌ಗಳನ್ನು ಒಳಗೊಂಡಿದೆ. ಈ ಅಂಶಗಳು ವಿವಿಧ ರೀತಿಯ ಸಂಪರ್ಕ ವ್ಯವಸ್ಥೆಯ ಸುಧಾರಣೆ ಮತ್ತು ಮತ್ತಷ್ಟು ಉತ್ತಮ ಸೇವೆ ನೀಡಲು ನೆರವಾಗಲಿದೆ. ಹಾಲಿ ತಿಂಗಳು ಇಸ್ರೋ ಉಡಾಯಿಸುತ್ತಿರುವ 3ನೇ ಉಪಗ್ರಹ ಇದಾಗಲಿದೆ.