ISRO ಗಗನಯಾನ ಪರೀಕ್ಷೆ ಯಶಸ್ವಿ; 2ನೇ ಹಂತಕ್ಕೆ ಸಿದ್ಧ

ಚೆನ್ನೈ: ಭಾರತೀಯ ಬಾಹ್ಯಾಕಾಶ ಸಂಸ್ಥೆ ಇಸ್ರೋ, ತನ್ನ ಮಹತ್ವಾಕಾಂಕ್ಷಿ ಗಗನಯಾನ ಯೋಜನೆಯಲ್ಲಿ ಗಮನಾರ್ಹ ಸಾಧನೆ ಮಾಡಿದೆ. ವಿಶಾಖಪಟ್ಟಣಂನ ನೌಕಾ ನೆಲೆಯಲ್ಲಿ ಸಿಬಂದಿ ಸಹಿತ ಗಗನಯಾನ ನೌಕೆಯನ್ನು ಯಶಸ್ವಿಯಾಗಿ ನೆಲಕ್ಕಿಳಿಸುವ ಪರೀಕ್ಷೆ ನಡೆಸಲಾಯಿತು. ಈ ಪರೀಕ್ಷೆಯಲ್ಲಿ ಯಶಸ್ಸು ಪಡೆದಿರುವ ಅದು 2ನೇ ಹಂತದ ಪರೀಕ್ಷೆಗೆ ಮುನ್ನಡೆದಿದೆ.

ಕ್ರ್ಯೂ ಮಾಡೆಲ್ ಮಾಕ್‌ಅಪ್‌ ಅಥವಾ ಗಗನಯಾನಕ್ಕೆ ಬಳಸುವ ನೌಕೆಯ ವಿನ್ಯಾಸವೊಂದನ್ನು ಬಳಸಿ ಇಸ್ರೋ ಈ ಪರೀಕ್ಷೆ ಮಾಡಿತು. ಇಸ್ರೋ ಮೂರು ದಿನಗಳ ಕಾಲ ಮೂವರು ವ್ಯಕ್ತಿಗಳೊಂದಿಗೆ ಗಗನಯಾನ ಮಾಡಲು ನಿರ್ಧರಿಸಿದೆ. ಭೂಮಿಯಿಂದ 400 ಕಿ.ಮೀ. ಎತ್ತರದಲ್ಲಿ ಈ ನೌಕೆ ಸಂಚರಿಸುತ್ತದೆ. ಯಾನ ಮುಗಿದ ಮೇಲೆ ಯಶಸ್ವಿಯಾಗಿ ಈ ನೌಕೆಯನ್ನು ಭಾರತೀಯ ಸಮುದ್ರ ಪ್ರದೇಶದಲ್ಲಿ ಇಳಿಸಲು ಸಿದ್ಧತೆ ಮಾಡುತ್ತಿದೆ.