ISRO; ಚಂದ್ರಯಾನ 4-5 ವಿನ್ಯಾಸ ಪೂರ್ಣ

ನವದೆಹಲಿ: ಚಂದ್ರಯಾನ 4 ಮತ್ತು 5ರ ವಿನ್ಯಾಸಗಳು ಪೂರ್ಣಗೊಂಡಿವೆ. ಮುಂದಿನ 5 ವರ್ಷಗಳ ಅವಧಿಯಲಿ ಇಸ್ರೋ 70 ಉಪಗ್ರಹಗಳನ್ನು ಉಡಾವಣೆ ಮಾಡಲಿದೆ ಎಂದು ಇಸ್ರೋ ಮುಖ್ಯಸ್ಥ ಎಸ್‌.ಸೋಮನಾಥ್‌ ಹೇಳಿದ್ದಾರೆ.

ಚಂದ್ರನಿಂದ ಮಣ್ಣು ತರುವ ಯೋಜನೆಯನ್ನು ಚಂದ್ರಯಾನ-4 ಹೊಂದಿದ್ದು, 2028ರಲ್ಲಿ ಇದರ ಉಡಾವಣೆ ನಡೆಯಲಿದೆ. ಚಂದ್ರಯಾನ-5 ವಿನ್ಯಾಸವೂ ಸಹ ಪೂರ್ಣಗೊಂಡಿದ್ದು, ಸರ್ಕಾರದ ಒಪ್ಪಿಗೆಗೆ ಕಾಯುತ್ತಿದ್ದೇವೆ. ಅಲ್ಲದೇ ಮುಂದಿನ 5 ವರ್ಷಗಳಲ್ಲಿ 70 ಉಪಗ್ರಹ ಉಡಾವಣೆಗೆ ಸಿದ್ಧತೆ ನಡೆಸಲಾಗುತ್ತಿದೆ ಎಂದು ಅವರು ಹೇಳಿದರು.

ಈ 70 ಉಪಗ್ರಹಗಳಲ್ಲಿ 4 ನಾವಿಕ್‌, ಇನ್‌ಸ್ಯಾಟ್‌, ಕಾಟೋìಸ್ಯಾಟ್‌ ಉಪಗ್ರಹಗಳು ಸೇರಿರಲಿವೆ. ಸಮುದ್ರವನ್ನು ಅಧ್ಯಯನ ಮಾಡುವ ಉಪಗ್ರಹಗಳನ್ನು ಸಹ ಅಭಿವೃದ್ದಿ ಮಾಡಲು ಯತ್ನಿಸಲಾಗುತ್ತಿದೆ ಎಂದು ಸೋಮನಾಥ್‌ ಹೇಳಿದರು.