ISRO Aditya L1 ; ಸೌರ ಜ್ವಾಲೆಯ ಫೋಟೋ ಕ್ಲಿಕ್‌

ಹೊಸದಿಲ್ಲಿ: ಇಸ್ರೋದ ಸೌರ ಯೋಜನೆಯ ಆದಿತ್ಯ ಎಲ್‌1 ನೌಕೆಯು ಇದೇ ಮೊದಲ ಬಾರಿಗೆ ಸೌರ ಜ್ವಾಲೆಯ ಅತ್ಯಧಿಕ ಶಕ್ತಿಯುಳ್ಳ ಎಕ್ಸ್‌-ಕಿರಣಗಳ ಫೋಟೋ  ವನ್ನು ಸೆರೆಹಿಡಿದಿದೆ. ನೌಕೆಯಲ್ಲಿರುವ ಹೈ ಎನರ್ಜಿ ಎಲ್‌1 ಆರ್ಬಿಟಿಂಗ್‌ ಎಕ್ಸ್‌-ರೇ ಸ್ಪೆಕ್ಟ್ರೋ ಮೀಟರ್‌ (ಎಚ್‌ಇಎಲ್‌1ಒಎಸ್‌) ಸೌರಜ್ವಾಲೆಯಲ್ಲಿನ ಹಠಾತ್‌ ಪ್ರಕ್ರಿಯೆಯನ್ನು ಸೆರೆಹಿಡಿಯುವಲ್ಲಿ ಯಶಸ್ವಿಯಾಗಿದೆ. ಸೌರಜ್ವಾಲೆ ಹೊರಹೊಮ್ಮುವ ಹಂತದಲ್ಲಿ ಬಿಡುಗಡೆಯಾಗುವ ಶಕ್ತಿ ಮತ್ತು ಎಲೆಕ್ಟ್ರಾನ್‌ಗಳ ವೇಗವರ್ಧಿಸುವಿಕೆಯನ್ನು ಅಧ್ಯಯನ ಮಾಡಲು ಇದರಿಂದ ಸಾಧ್ಯವಾಗಲಿದೆ.