ISRO; ಎಸ್‌.ಸೋಮನಾಥ್‌ಗೆ ಕೇರಳ ಸರಕಾರದ ಪ್ರಶಸ್ತಿ

ತಿರುವನಂತಪುರ: ಇಸ್ರೋ ಮುಖ್ಯಸ್ಥ ಎಸ್‌. ಸೋಮನಾಥ್‌ ಅವರಿಗೆ ಕೇರಳ ಸರಕಾರ ನೀಡುವ “ಕೇರಳ ಪ್ರಭ’ ಪ್ರಶಸ್ತಿ ನೀಡಲು ತೀರ್ಮಾನಿಸಲಾಗಿದೆ. ಕೇರಳ ರಾಜ್ಯೋತ್ಸವ ಹಿನ್ನೆಲೆಯಲ್ಲಿ ಪ್ರಶಸ್ತಿ ನೀಡಲಾಗಿದೆ. 2021ರಲ್ಲಿ “ಪದ್ಮ ಪ್ರಶಸ್ತಿ’ಗಳ ಮಾದರಿಯಲ್ಲಿ ಈ ಪ್ರಶಸ್ತಿ ಸ್ಥಾಪನೆಗೆ ತೀರ್ಮಾನಿಸಲಾಗಿತ್ತು. ಪದ್ಮ ವಿಭೂಷಣ, ಪದ್ಮಭೂಷಣ, ಪದ್ಮಶ್ರೀ ಮಾದರಿಯಲ್ಲಿ “ಕೇರಳ ಜ್ಯೋತಿ’, “ಕೇರಳ ಪ್ರಭ’, “ಕೇರಳ ಶ್ರೀ’ ಪ್ರಶಸ್ತಿಗಳನ್ನು ಆರಂಭಿಸಲಾಗಿತ್ತು. ಕ್ರಿಕೆಟಿಗ ಸಂಜು ಸ್ಯಾಮ್ಸನ್‌ ಸೇರಿದಂತೆ 6 ಮಂದಿಗೆ “ಕೇರಳ ಶ್ರೀ’ ಪ್ರಶಸ್ತಿ ನೀಡಲಾಗಿದೆ.