ಐಸಿಸ್‌ ಅಫ್ಘಾನ್‌ ನಾಯಕ ಅಬು ಸೈಯದ್‌ ಅಮೆರಿಕ ವಾಯುದಾಳಿಗೆ ಬಲಿ

ವಾಷಿಂಗ್ಟನ್‌ : ಅಫ್ಘಾನಿಸ್ಥಾನದ ಕುನಾರ್‌ ಪ್ರಾಂತ್ಯದಲ್ಲಿನ ಐಸಿಸ್‌ ಉಗ್ರ ಸಮೂಹದ ಪ್ರಧಾನ ಕಾರ್ಯಾಲಯಗಳ ಮೇಲೆ ಅಮೆರಿಕ ಪಡೆಗಳು ನಡೆಸಿರುವ ವಾಯು ದಾಳಿಯಲ್ಲಿ  ಅಫ್ಘಾನಿಸ್ಥಾನದ ಐಸಿಸ್‌ ಶಾಖಾ ಮುಖ್ಯಸ್ಥ ಅಬು ಸೈಯದ್‌ ಹತನಾಗಿರುವುದಾಗಿ ಪೆಂಟಗನ್‌ ಹೇಳಿದೆ. 

ಅಫ್ಘಾನಿಸ್ಥಾನದ ಐಸಿಸ್‌ ಘಟಕದ ಮುಖ್ಯಸ್ಥ ಅಬು ಸೈಯದ್‌ ಕೊನಗೂ ಅಮೆರಿಕದ ವಾಯು ದಾಳಿಯಲ್ಲಿ  ಜುಲೈ 11ರಂದು ಹತನಾಗುವುದರೊಂದಿಗೆ ಐಸಿಸ್‌ ಉಗ್ರ ಸಂಘಟನೆ ಅಫ್ಘಾನಿಸ್ಥಾನದಲ್ಲಿನ ತನ್ನ ಮೂರನೇ ನಾಯಕನನ್ನು ಒಂದೇ ವರ್ಷದೊಳಗೆ ಕಳೆದುಕೊಂಡಂತಾಗಿದೆ ಎಂದು ಪೆಂಟಗನ್‌ ಹೇಳಿದೆ. 

ಈ ಮೊದಲು ಹತರಾದ ಐಸಿಸ್‌ ಅಫ್ಘಾನಿಸ್ಥಾನ ಘಟಕದ ನಾಯಕರೆಂದರೆ ಹಾಫೀಜ್‌ ಸೈಯ್ಯದ್‌ ಖಾನ್‌ (2016 ಜುಲೈ) ಮತ್ತು ಅಬ್ದುಲ್‌ ಹಾಸೀಬ್‌ (2017 ಎಪ್ರಿಲ್‌).