ಉಗುಳು ನಿಷೇಧ: ಇಶಾಂತ್‌ ಆತಂಕ

ಹೊಸದಿಲ್ಲಿ: ಚೆಂಡಿಗೆ ಉಗುಳು ಹಚ್ಚುವುದನ್ನು ನಿಷೇಧಿಸಿದ್ದರಿಂದ ಬೌಲರ್‌ಗಳಿಗೆ ನಷ್ಟವಾಗಲಿದ್ದು, ಬ್ಯಾಟ್ಸ್‌ಮನ್‌ಗಳು ಸಂಪೂರ್ಣ ಪ್ರಯೋಜನ ಪಡೆಯಲಿದ್ದಾರೆ ಎಂದು ವೇಗಿ ಇಶಾಂತ್‌ ಶರ್ಮ ಆತಂಕ ವ್ಯಕ್ತಪಡಿಸಿದ್ದಾರೆ.

“ಉಗುಳು ನಿಷೇಧದಿಂದ ಬ್ಯಾಟ್ಸ್‌ಮನ್‌ಗಳು ಹೆಚ್ಚು ಲಾಭ ಪಡೆಯಲಿದ್ದಾರೆ. ಕೆಂಪು ಚೆಂಡಿಗೆ ಹೊಳಪು ನೀಡದೆ ಹೋದರೆ ಅದು ಸ್ವಿಂಗ್‌ ಆಗುವುದಿಲ್ಲ. ಇದರಿಂದ ಬ್ಯಾಟ್ಸ್‌ಮನ್‌ಗಳು ಸಲೀಸಾಗಿ ರನ್‌ ಗಳಿಸಬಹುದು. ಬ್ಯಾಟ್‌-ಬಾಲ್‌ ನಡುವೆ ಯಾವತ್ತೂ ಸ್ಪರ್ಧೆ ಇರಬೇಕು’ ಎಂದು ಇಶಾಂತ್‌ ಶರ್ಮ ಹೇಳಿದರು.