ISA; ಭಾರತಕ್ಕೆ ಅಂತಾರಾಷ್ಟ್ರೀಯ ಸೌರ ಒಕ್ಕೂಟದ ಅಧ್ಯಕ್ಷ ಸ್ಥಾನ: ಸಚಿವ ಜೋಶಿ

ಹೊಸದಿಲ್ಲಿ: ಅಂತಾರಾಷ್ಟ್ರೀಯ ಸೌರ ಒಕ್ಕೂಟವು (ಐಎಸ್‌ಎ) 2024-26ನೇ ಸಾಲಿಗೆ ನೂತನ ಪದಾಧಿಕಾರಿಗಳನ್ನು ಪ್ರಕಟಿಸಿದ್ದು, ಭಾರತ ಮತ್ತು ಫ್ರಾನ್ಸ್‌ ಕ್ರಮವಾಗಿ ಅಧ್ಯಕ್ಷ-ಸಹ ಅಧ್ಯಕ್ಷ ಸ್ಥಾನ ಉಳಿಸಿಕೊಂ ಡಿವೆ. ದಿಲ್ಲಿಯ ಭಾರತ್‌ ಮಂಟಪದಲ್ಲಿ ಸೋಮವಾರ ನಡೆದ ಐಎಸ್‌ಎ ಅಸೆಂಬ್ಲಿಯ 7ನೇ ಅಧಿವೇಶ­ನದಲ್ಲಿ 2 ವರ್ಷ ಅವಧಿಗೆ ನೂತನ ಪದಾಧಿಕಾರಿ­ಗ­ಳನ್ನು ಘೋಷಿಸಲಾಯಿತು.

ಐಎಸ್‌ಎ ಅಧ್ಯಕ್ಷ ಸ್ಥಾನಕ್ಕೆ ಭಾರತವೊಂದೇ ಸ್ಪರ್ಧಿಸಿದ್ದರಿಂದ ಅವಿರೋಧ ಆಯ್ಕೆ ದಾಖಲಿಸಿತು. ಆದರೆ ಸಹ ಅಧ್ಯಕ್ಷ ಸ್ಥಾನಕ್ಕೆ ಫ್ರಾನ್ಸ್‌ ಮತ್ತು ಗ್ರೆನಡಾ ರಾಷ್ಟ್ರಗಳ ಮಧ್ಯೆ ಸ್ಪರ್ಧೆ ಏರ್ಪಟ್ಟಿತ್ತು. ಅಂತಿಮವಾಗಿ ಫ್ರಾನ್ಸ್‌ ಗೆಲುವು ಸಾಧಿಸಿತು ಎಂದು ಕೇಂದ್ರ ಸಚಿವ ಪ್ರಹ್ಲಾದ ಜೋಶಿ ತಿಳಿಸಿದ್ದಾರೆ. ಸಮಾನ ಭೌಗೋಳಿಕ ಪ್ರಾತಿನಿಧ್ಯ ನೀಡಿ ಅಧ್ಯಕ್ಷ ಮತ್ತು ಸಹ-ಅಧ್ಯಕ್ಷರನ್ನು ಆಯ್ಕೆ ಮಾಡಲಾಗುತ್ತದೆ.