Advertisement
ಈ 2 ವರ್ಷಗಳ ಅವಧಿಯಲ್ಲಿ ಭಾರತ ಎಷ್ಟೇ ಉತ್ತಮ ಪ್ರದರ್ಶನ ನೀಡಿದರೂ ಫೈನಲ್‌ ತಂಡದ ಆಯ್ಕೆಯಲ್ಲಿ ಎಡವಿದ್ದು ಹಗಲಿನಷ್ಟು ಸ್ಪಷ್ಟ. ಇಲ್ಲಿ ಯಾರೆಲ್ಲ ಆಡಬೇಕಿತ್ತು ಎಂಬುದನ್ನು ಸಾಮಾನ್ಯ ಜನರೂ ನಿಖರವಾಗಿ ಹೇಳಬಲ್ಲರು. ಆದರೆ ತಂಡದ ಆಡಳಿತ ಮಂಡಳಿಗೆ, ಕೋಚ್‌ ಮತ್ತು ನಾಯಕನಿಗೆ ಈ ಸಾಮಾನ್ಯ ಅಂಶ ಕೂಡ ಅರಿವಾಗದಿದ್ದುದು ವಿಪರ್ಯಾಸ. ಓವಲ್‌ನಲ್ಲಿ ಅಶ್ವಿ‌ನ್‌ ಅವರನ್ನು ಹೊರಗಿರಿಸಿದ್ದು ದೊಡ್ಡ ಎಡವಟ್ಟಾಗಿ ಪರಿಣಮಿಸಿತು.
ಮುಂದಿನ ತಿಂಗಳು ಭಾರತ ತಂಡ ವೆಸ್ಟ್‌ ಇಂಡೀಸ್‌ಗೆ ಪ್ರವಾಸ ಕೈಗೊಳ್ಳಲಿದ್ದು, ಇಲ್ಲಿ 2 ಟೆಸ್ಟ್‌ಗಳನ್ನಾಡಲಿದೆ. ಜತೆಗೆ 3 ಏಕದಿನ ಹಾಗೂ 3 ಟಿ20 ಪಂದ್ಯಗಳ ಸರಣಿಯೂ ಇದೆ. ಈ ಸರಣಿ ತೃತೀಯ ಆವೃತ್ತಿಯ ಐಸಿಸಿ ಟೆಸ್ಟ್‌ ವಿಶ್ವ ಚಾಂಪಿಯನ್‌ಶಿಪ್‌ಗೆ ನಾಂದಿ ಹಾಡಲಿರುವುದರಿಂದ ಟೆಸ್ಟ್‌ ತಂಡದ ಆಯ್ಕೆ ಅತ್ಯಂತ ಜಟಿಲವೆನಿಸುವುದರಲ್ಲಿ ಅನುಮಾನವಿಲ್ಲ. ಮುಂದಿನೆರಡು ವರ್ಷಗಳ ಕಾಲ ಉತ್ತಮ ಫಾರ್ಮ್ ಕಾದಿರಿಸಿಕೊಂಡು ತಂಡದಲ್ಲಿ ಖಾಯಂ ಸ್ಥಾನ ಗಳಿಸುವ ಆಟಗಾರರಿಗೆ ಮಣೆ ಹಾಕಬೇಕಿದೆ.
Related Articles
Advertisement
ಇನ್ನುಳಿದಂತೆ ಕೆ.ಎಲ್‌. ರಾಹುಲ್‌, ಶ್ರೇಯಸ್‌ ಅಯ್ಯರ್‌, ರಿಷಭ್‌ ಪಂತ್‌, ಜಸ್‌ಪ್ರೀತ್‌ ಬುಮ್ರಾ ಅವರ ಪುನರಾಗಮನಕ್ಕೆ ಇನ್ನೂ ಡೇಟ್‌ ಫಿಕ್ಸ್‌ ಆಗಿಲ್ಲ. ಇಷ್ಟೂ ಮಂದಿ ಭಾರತದ ಟೆಸ್ಟ್‌ ತಂಡಕ್ಕೆ ಅನಿವಾರ್ಯ ಎಂಬುದರಲ್ಲಿ ಎರಡು ಮಾತಿಲ್ಲ.
ಭಾರತದಲ್ಲೇ ನಡೆಯುವ ವಿಶ್ವಕಪ್ ಹಿನ್ನೆಲೆಯಲ್ಲಿ ಏಕದಿನ ತಂಡದ ಆಯ್ಕೆಯೂ ಜಟಿಲವಾಗಲಿದೆ. ಟಿ20 ತಂಡದ ಆಯ್ಕೆಯೊಂದೇ ಸದ್ಯದ ಮಟ್ಟಿಗೆ ಸುಲಭ. ಕಾರಣ, ಐಪಿಎಲ್‌ ಪ್ರಭಾವ. ಹಾರ್ದಿಕ್‌ ಪಾಂಡ್ಯ ನಾಯಕತ್ವದ ತಂಡಕ್ಕೆ ಸೇರಿಕೊಳ್ಳಲು ರಿಂಕು ಸಿಂಗ್‌, ಜಿತೇಶ್‌ ಶರ್ಮ, ಮೋಹಿತ್‌ ಶರ್ಮ ಮೊದಲಾದವರು ಕಾದು ನಿಂತಿದ್ದಾರೆ. ರೋಹಿತ್‌, ಕೊಹ್ಲಿ, ಶಮಿ, ಸಿರಾಜ್‌ ಮೊದಲಾದವರಿಗೆ ವಿಶ್ರಾಂತಿ ನೀಡುವುದು ಒಳ್ಳೆಯದು. ಎಲ್ಲ ಕ್ರಿಕೆಟಿಗರು ಮೂರೂ ಮಾದರಿಗಳಲ್ಲಿ ಆಡಬೇಕೆಂದಿಲ್ಲವಲ್ಲ!