ಸಿರಿಯದಲ್ಲಿ ಹತನಾದ ಐಸಿಸ್‌ ಉಗ್ರ ಕಣ್ಣೂರು ನಿವಾಸಿ ಮನಾಫ್

ಕಣ್ಣೂರು, ಕೇರಳ : ಕಣ್ಣೂರು ಜಿಲ್ಲೆಯಿಂದ ಐಸಿಸ್‌ ಉಗ್ರ ಸಂಘಟನೆಗೆ ನೇಮಕಗೊಂಡಿದ್ದ ಅಬ್ದುಲ್‌ ಮನಾಫ್ (30) ಎಂಬಾತ ಸಿರಿಯದಲ್ಲಿ ಹತ ನಾಗಿರುವುದು ದೃಢಪಟ್ಟಿರುವುದಾಗಿ ಪೊಲೀಸರು ಇಂದು ತಿಳಿಸಿದ್ದಾರೆ.

ಕಣ್ಣೂರು ಜಿಲ್ಲೆಯ ವಳಪಟ್ಟಿನಂ ನಿವಾಸಿಯಾಗಿರುವ ಅಬ್ದುಲ್‌ ಮನಾಫ್ ಕಳೆದ ವರ್ಷ ನವೆಂಬರ್‌ನಲ್ಲಿ ಸಿರಿಯದಲ್ಲಿ ಹತನಾಗಿದ್ದ ಎಂಬ ಸುದ್ದಿಯು ಈ ವರ್ಷ ಜನವರಿ 17ರಂದು ಆತನ ಮನೆಯವರಿಗೆ ಸಿರಿಯದಲ್ಲಿರುವ ಆತನ ಸ್ನೇಹಿತನ ಮೂಲಕ ಖಚಿತವಾಗಿದೆ ಎಂದು ಹಿರಿಯ ಪೊಲೀಸ್‌ ಅಧಿಕಾರಿ ಹೇಳಿದರು. 

ಮನಾಫ್ ಹತನಾಗಿದ್ದ ವಿಷಯವನ್ನು ಸಿರಿಯನದಲ್ಲಿರುವ ಆತನ ಸ್ನೇಹಿತ ಕಯ್ಯೂಮ್‌ ಎಂಬಾತನು ಟೆಲಿಗ್ರಾಂ ಆ್ಯಪ್‌ ಮೂಲಕ ಮನಾಫ್ನ ಮನೆಯವರಿಗೆ ತಿಳಿಸಿದ್ದ. ಕಯ್ಯೂಮ್‌ ಕೂಡ ಐಸಿಸ್‌ ಪರವಾಗಿ ಹೋರಾಡುತ್ತಿದ್ದ ಎಂದು ಡಿವೈಎಸ್ಪಿ ಪಿ ಪಿ ಸದಾನಂದನ್‌ ಹೇಳಿದರು.