HDK ಮೋದಿಗೆ ಹತ್ತಿರವೇ: ಎಚ್‌.ಕೆ.ಪಾಟೀಲ್‌ ಪ್ರಶ್ನೆ

ಗದಗ: ಮಾಜಿ ಸಿಎಂ ಎಚ್‌.ಡಿ.ಕುಮಾರಸ್ವಾಮಿಗೆ ಪ್ರಧಾನಿ ನರೇಂದ್ರ ಮೋದಿ ಹತ್ತಿರವಾಗಿದ್ದಾರೆಯೇ ಎಂದು ಕಾನೂನು ಸಚಿವ ಎಚ್‌.ಕೆ.ಪಾಟೀಲ್‌ ಪ್ರಶ್ನಿಸಿದ್ದಾರೆ.

ಸುದ್ದಿಗಾರರ ಜತೆ ಮಾತನಾಡಿದ ಅವರು, ರಾಜ್ಯ ಸರಕಾರದ ಭ್ರಷ್ಟಾಚಾರ ಕುರಿತು ಪ್ರಧಾನಿ ಮೋದಿಗೆ ದೂರು ಸಲ್ಲಿಸುವುದಾಗಿ ಎಚ್‌ಡಿಕೆ ಮಾಜಿ ಸಿಎಂ, ವಿಪಕ್ಷದ ಮಹತ್ವದ ಮುಂದಾಳು ಹೇಳಿದ್ದಾರೆ. ಅವರ ವಿವೇಚನೆಗೆ ತಿಳಿದಿರುವುದನ್ನು ಮಾಡಲಿ.

ಆದರೆ ಅದಕ್ಕೂ ಮುನ್ನ ಅವರು ವಿಧಾನಸಭೆಯಲ್ಲಿ ಮಾತನಾಡಬಹುದಿತ್ತು. ಪ್ರಧಾನಿ ಮುಂದೆ ಏನು ಹೇಳಲು ಹೊರಟಿದ್ದಾರೋ ಅದನ್ನು ಕರ್ನಾಟಕದ ಜನರ ಮುಂದೆಯೂ ಹೇಳಬಹುದಿತ್ತು ಎಂದರು.