ಇರ್ಫಾನ್‌ ಪಠಾಣ್‌ ಪತ್ನಿಯ ಫೋಟೋ ;ಸಂಪ್ರದಾಯವಾದಿಗಳ ವ್ಯಾಪಕ ಟೀಕೆ !

ಅಹಮದಾಬಾದ್‌ : ಭಾರತದ ಎಡಗೈ ವೇಗಿ ಇರ್ಫಾನ್‌ ಪಠಾಣ್‌ ಅವರು ಪತ್ನಿಯೊಂದಿಗೆ ತೆಗೆಸಿಕೊಂಡ ಸೆಲ್ಫಿಯೊಂದು ವ್ಯಾಪಕವಾಗಿ ಇಸ್ಲಾಂ ಸಂಪ್ರದಾಯವಾದಿಗಳ ಟೀಕೆಗೆ ಗುರಿಯಾಗಿ ದೊಡ್ಡ ಸುದ್ದಿ ಮಾಡಿದೆ.

ಫೇಸ್‌ಬುಕ್‌ನಲ್ಲಿ ಪತ್ನಿ ಸಫಾ ಬೇಗ್‌ ತನ್ನ ಕೈಗಳಿಂದ ಮುಖ ಮುಚ್ಚಿಕೊಂಡಿದ್ದ ಫೋಟೋವನ್ನು ಅಪ್‌ಲೋಡ್‌ ಮಾಡಿ ಈ ಹುಡುಗಿಯಿಂದ ತೊಂದರೆ? ಪ್ರೀತಿ ,ವೈಫಿ ಎಂದು ಅಡಿಬರಹ ನೀಡಿದ್ದರು.

ಫೋಟೋ ನೋಡಿದ ಇಸ್ಲಾಂ ಸಂಪ್ರದಾಯವಾದಿ ಟೀಕಾಕಾರು ಈ ರೀತಿ ಪೋಸ್‌ ನೀಡುವುದು ಇಸ್ಲಾಂನಲ್ಲಿ ನಿಷಿದ್ಧ ಎಂದು ಬರೆದಿದ್ದಾರೆ. ಕೈ ಉಗುರುಗಳಿಗೆ ನೇಲ್‌ ಪಾಲಿಷ್‌ ಹಚ್ಚಿಕೊಳ್ಳಬೇಡಿ ಮೆಹಂದಿ ಹಚ್ಚಿಕೊಳ್ಳಿ ಎಂಬ ನೂರಾರು ಟೀಕೆಗಳನ್ನು ಮಾಡಿದ್ದಾರೆ. 

ಜೆಡ್ಡಾದ ಮಾಡೆಲ್‌ ಸಫಾರನ್ನು ವಿವಾಹವಾಗಿದ್ದ ಪಠಾಣ್‌ಗೆ ಒಂದು ಗಂಡು ಮಗುವಿದೆ.