Advertisement
ಬರೋಬ್ಬರಿ 717 ದಿನಗಳ ಐಪಿಎಲ್‌ ಆಡಲಿಳಿದ ಇಶಾಂತ್‌ ಶರ್ಮ 4 ಓವರ್‌ಗಳಲ್ಲಿ ಕೇವಲ 19 ರನ್‌ ನೀಡಿ 2 ವಿಕೆಟ್‌ ಕೆಡವಿ ಮಿಂಚಿದರು. ಈ ಸಾಧನೆಗಾಗಿ ಪಂದ್ಯಶ್ರೇಷ್ಠ ಪ್ರಶಸ್ತಿಗೂ ಭಾಜನರಾದರು. ಈ ಕುರಿತು ಪ್ರತಿಕ್ರಿಯಿಸಿದ ಡೆಲ್ಲಿ ನಾಯಕ ಡೇವಿಡ್‌ ವಾರ್ನರ್‌, “ಇಶಾಂತ್‌ ಶರ್ಮ ಅನಾರೋಗ್ಯದಿಂದ ಚೇತರಿಸಿಕೊಂದು ಇಂಥದೊಂದು ಅಮೋಘ ಬೌಲಿಂಗ್‌ ಪ್ರದರ್ಶನ ನೀಡಿರುವುದು ಸಾಮಾನ್ಯ ಸಂಗತಿಯಲ್ಲ. ಹ್ಯಾಟ್ಸ್‌ ಆಫ್ ಇಶಾಂತ್‌…’ ಎಂದು ಪ್ರಶಂಸಿಸಿದ್ದಾರೆ.
“ನನ್ನ ಸರದಿಗಾಗಿ ಕಾಯುತ್ತ ಇದ್ದೆ. ಅವಕಾಶ ಸಿಕ್ಕಾಗ ತಂಡಕ್ಕೆ ಗೆಲುವನ್ನು ತಂದುಕೊಡುವುದೇ ನನ್ನ ಉದ್ದೇಶ. ಇಂದು ಇದು ಈಡೇರಿದೆ. ನೀವು ಎದುರಾಳಿ ಆಟಗಾರರ ವಿರುದ್ಧ ಯಾವ ಯೋಜನೆಯನ್ನು ಹಾಕಿಕೊಂಡಿದ್ದೀರಿ ಮತ್ತು ಅಂಗಳದಲ್ಲಿ ಇದನ್ನು ಎಷ್ಟರ ಮಟ್ಟಿಗೆ ಯಶಸ್ವಿಗೊಳಿಸುತ್ತೀರಿ ಎನ್ನುವುದು ಮುಖ್ಯ” ಎಂದು ಇಶಾಂತ್‌ ಹೇಳಿದರು.