ಐಪಿಎಲ್‌: ವರುಣ್‌ ಧವನ್‌ಗೆ ಬಂಪರ್‌

ಹೊಸದಿಲ್ಲಿ: ಐಪಿಎಲ್‌ ಉದ್ಘಾಟನಾ ಸಮಾರಂಭಕ್ಕೆ ವೇದಿಕೆ ಸಜ್ಜಾಗುತ್ತಿದೆ. ಎಂದಿನಂತೆ ಬಾಲಿವುಡ್‌ ತಾರೆಯರು ಈ ಕಾರ್ಯಕ್ರಮದ ಪ್ರಧಾನ ಆಕರ್ಷಣೆ ಆಗಿರಲಿದ್ದಾರೆ. ಇವರಲ್ಲಿ ಹಾಲಿವುಡ್‌ ನಟ ವರುಣ್‌ ಧವನ್‌ ಹೆಸರು ಮುಂಚೂಣಿಯಲ್ಲಿದೆ. ಇವರಿಗೆ ಐಪಿಎಲ್‌ ಇತಿಹಾಸದಲ್ಲೇ ಅತ್ಯಧಿಕ 6 ಕೋಟಿ ರೂ. ಸಂಭಾವನೆ ನೀಡಲಾಗುವುದು ಎಂದು ವರದಿಯೊಂದು ತಿಳಿಸಿದೆ.

ಜಾಕ್ವೆಲಿನ್‌ ಫೆರ್ನಾಂಡಿಸ್‌, ರಣವೀರ್‌ ಸಿಂಗ್‌, ಪರಿಣೀತಿ ಚೋಪ್ರಾ ಕೂಡ ಐಪಿಎಲ್‌ ಉದ್ಘಾಟನೆಯ ರಂಗೇರಿಸಲಿದ್ದಾರೆ. ರಣವೀರ್‌ ಸಿಂಗ್‌ ಕೇವಲ 5 ನಿಮಿಷಗಳ ಕಾರ್ಯಕ್ರಮ ನಡೆಸಿಕೊಡಲಿದ್ದು, ಇದಕ್ಕಾಗಿ 5 ಕೋಟಿ ರೂ. ಪಡೆಯಲಿದ್ದಾರೆ ಎನ್ನಲಾಗಿದೆ.

ವರುಣ್‌ ಧವನ್‌ ಐಪಿಎಲ್‌ ರಿಹರ್ಸಲ್‌ಗಾಗಿ ಭರದ ಸಿದ್ಧತೆಯಲ್ಲಿ ತೊಡಗಿದ್ದಾರೆ. ಈ ಕ್ಯಾಶ್‌ ರಿಚ್‌ ಪಂದ್ಯಾವಳಿ ಎ. 7ರಂದು ಆರಂಭವಾಗಲಿದ್ದು, ಒಂದು ದಿನ ಮೊದಲು ಉದ್ಘಾಟನಾ ಸಮಾರಂಭ ನೆರವೇರಲಿದೆ.