Toxic Movie: ʼಟಾಕ್ಸಿಕ್‌ʼನಲ್ಲಿ ನಟಿಸಲು ಯಶ್‌ ಪಡೆದ ಸಂಭಾವನೆ ಎಷ್ಟು?

ಬೆಂಗಳೂರು: ಯಶ್‌ ʼಟಾಕ್ಸಿಕ್‌ʼ (Toxic Movie) ಸಿನಿಮಾದ ಬರ್ತ್‌ ಡೇ ಪೀಕ್‌ ಗ್ಲಿಂಪ್ಸ್‌ ಎಲ್ಲೆಡೆ ವೈರಲ್‌ ಆಗಿದೆ. ಇಂಟರ್‌ನೆಟ್‌ ನಲ್ಲಿ ಧೂಳು ಎಬ್ಬಿಸಿ ಹಲವು ದಾಖಲೆಗಳನ್ನು ಬ್ರೇಕ್‌ ಮಾಡಿದೆ.

ಯಶ್‌ (Actor Yash) ಗ್ಯಾಂಗ್ ಸ್ಟರ್‌ ಅವತಾರದಲ್ಲಿ ಕಾಣಿಸಿಕೊಂಡಿರುವ ʼಟಾಕ್ಸಿಕ್‌ʼ ಗೋವಾದಲ್ಲಿನ ಡ್ರಗ್ ಕಾರ್ಟೆಲ್ ಸುತ್ತಲಿನ ಕಥೆಯನ್ನು ಒಳಗೊಳ್ಳಲಿದೆ. ಕ್ಲಬ್‌ವೊಂದರಲ್ಲಿ ಪಾರ್ಟಿ ಮೂಡಿನಲ್ಲಿರುವ ಲುಕ್‌ನಲ್ಲಿ ಯಶ್‌ ಕಾಣಿಸಿಕೊಂಡಿದ್ದಾರೆ. ಮೋಹಕ ಬೆಡಗಿಯರ ಜತೆಗೆ ಯಶ್‌ ಕುಣಿದಾಡಿದ್ದಾರೆ.

ಮಾಲಿವುಡ್‌ನ ಗೀತು ಮೋಹನ್‌ ದಾಸ್‌ (Geetu Mohandas) ಚಿತ್ರವನ್ನು ನಿರ್ದೇಶನ ಮಾಡುತ್ತಿದ್ದಾರೆ. ಮೊದಲ ಲುಕ್‌ನಲ್ಲೇ ʼಟಾಕ್ಸಿಕ್ʼ ಹವಾ ಹೇಗಿರಲಿದೆ ಎನ್ನುವುದನ್ನು ತೋರಿಸಿ ಕೊಟ್ಟಿದ್ದಾರೆ.

ಯಶ್‌ ʼಟಾಕ್ಸಿಕ್‌ʼನಲ್ಲಿ ಪ್ರಧಾನ ಪಾತ್ರದ ಜತೆ ತಮ್ಮ ಮಾನಸ್ಟರ್‌ ಕ್ರಿಯೇಷನ್ಸ್‌ ಬ್ಯಾನರ್ ಅಡಿಯಲ್ಲಿ‌ ಬಂಡವಾಳವನ್ನೂ ಹಾಕಿದ್ದಾರೆ. ಇದರೊಂದಿಗೆ ಕೆವಿಎನ್‌ ಪ್ರೊಡಕ್ಷನ್ಸ್‌ ಬಂಡವಾಳ ಹಾಕಿದೆ.

ವರದಿಗಳ ಪ್ರಕಾರ 300 ಕೋಟಿ ರೂ. ಬಜೆಟ್‌ನಲ್ಲಿ ʼಟಾಕ್ಸಿಕ್‌ʼ ನಿರ್ಮಾಣವಾಗಲಿದೆ. ಚಿತ್ರದಲ್ಲಿ ಮಲ್ಟಿಸ್ಟಾರ್ಸ್ ಗಳಿದ್ದಾರೆ. ಯಾವೆಲ್ಲ ಕಲಾವಿದರು ತಮ್ಮ ಪಾತ್ರಕ್ಕೆ ಎಷ್ಟು ಸಂಭಾವನೆ ಪಡೆದಿದ್ದಾರೆ ಎನ್ನುವುದರ ಬಗೆಗಿನ ಸುದ್ದಿಯೊಂದು ಹೊರಬಿದ್ದಿದೆ.

ಯಶ್‌ ʼಟಾಕ್ಸಿಕ್ʼನಲ್ಲಿ ನಟಿಸಲು 50 ಕೋಟಿ ರೂ. ಸಂಭಾವನೆಯನ್ನು ಪಡೆದಿದ್ದಾರೆ. ಇದರ ಜತೆ ಅವರು ಚಿತ್ರದ ಲಾಭಾಂಶವನ್ನು ಪಡೆಯಲಿದ್ದಾರೆ ಎಂದು ವರದಿಯಾಗಿದೆ.

ಇನ್ನು ಹಿಂದಿಯ ಜನಪ್ರಿಯ ನಟ ನವಾಜುದ್ದೀನ್ ಸಿದ್ದಿಕಿ (Nawazuddin Siddiqui) ತಮ್ಮ ಪಾತ್ರಕ್ಕಾಗಿ 3 ಕೋಟಿ ರೂ. ಸಂಭಾವನೆಯನ್ನು ಪಡೆದಿದ್ದಾರೆ ಎಂದು ವರದಿಯಾಗಿದೆ.

ಇನ್ನು ನಟಿ ಸಂಯುಕ್ತಾ ಮೆನನ್‌ (Samyuktha Menon)  ಅವರ ಪಾತ್ರಕ್ಕೆ 1 ಕೋಟಿ ರೂ. ಪಾವತಿಸಲಾಗಿದೆ. ಅವರು ಚಿತ್ರದಲ್ಲಿ ಪ್ರಮುಖ ಪಾತ್ರವೊಂದರಲ್ಲಿ‌ ಅವರು ಕಾಣಿಸಿಕೊಳ್ಳಲಿದ್ದಾರೆ ಎನ್ನಲಾಗಿದೆ.

ಮಾಲಿವುಡ್ ನಟ ಶೈನ್ ಟಾಮ್ ಚಾಕೊ ಅವರಿಗೆ 40 ಲಕ್ಷ ರೂಪಾಯಿ ಸಂಭಾವನೆ ನೀಡಲಾಗಿದೆ ಎಂದು ವರದಿಯಾಗಿದೆ.

ಬಹುನಿರೀಕ್ಷಿತ ʼಟಾಕ್ಸಿಕ್‌ʼ ಈ ವರ್ಷದ ಅಂತ್ಯಕ್ಕೆ ರಿಲೀಸ್‌ ಆಗುವ ಸಾಧ್ಯತೆಯಿದೆ.