Viral Video; ಹಾರಾಟದ ವೇಳೆ ವಿಮಾನದಲ್ಲಿ ಡ್ಯಾನ್ಸ್; ಸುರಕ್ಷತೆಯ ಕಾಳಜಿ

ನವದೆಹಲಿ: ಕಳೆದ ಕೆಲ ದಿನಗಳಲ್ಲಿ ವಿಮಾನಗಳಲ್ಲಿ ಕಳವಳಕಾರಿ ಘಟನೆಗಳು ವರದಿಯಾಗುತ್ತಲೇ ಇವೆ ಇದಕ್ಕೆ ಹೊಸ ಸೇರ್ಪಡೆ ಎಂಬಂತೆ ಹಾರಾಟದ ವೇಳೆ ವಿಮಾನದಲ್ಲಿ ಹರಿಯಾಣವಿ ಹಾಡಿಗೆ ಪ್ರಯಾಣಿಕರು ನೃತ್ಯ ಮಾಡುವ ವಿಡಿಯೋ ಇಂಟರ್ನೆಟ್‌ನಲ್ಲಿ ಅಚ್ಚರಿ ಮೂಡಿಸಿದೆ.

ಇಂಡಿಗೋ ಫ್ಲೈಟ್‌ನಲ್ಲಿ ಪ್ರಯಾಣಿಕರು ಸಂಭ್ರಮದಲ್ಲಿ ನೃತ್ಯ ಮಾಡುತ್ತಿರುವ ವಿಡಿಯೋವನ್ನು ತೇರಿ ಆಖ್ಯ ಕಾ ಯೋ ಕಾಜಲ್ ಎಂಬ ಹರಿಯಾಣವಿ ಹಾಡಿಗೆ ಪ್ರಯಾಣಿಕರು ನೃತ್ಯ ಮಾಡುತ್ತಿರುವ ವಿಡಿಯೋ ಸಾಮಾಜಿಕ ಮಾಧ್ಯಮ ಬಳಕೆದಾರರಿಂದ ಸಾಕಷ್ಟು ಗಮನ ಸೆಳೆಯುತ್ತಿದೆ. ಇದಲ್ಲದೆ, ಇದು ಅಂತರ್ಜಾಲದಲ್ಲಿ ಸಾಮಾಜಿಕ ಮಾಧ್ಯಮ ಬಳಕೆದಾರರಿಂದ ಸುರಕ್ಷತೆಯ ಕುರಿತು ಪ್ರಶ್ನೆಗಳೂ ಕೇಳಿಬಂದಿವೆ.

ಈ ವಿಡಿಯೋ ಕ್ಲಿಪ್ ಅನ್ನು ಜೇ ಕರ್ಮಾನಿ ಎಂಬ ಆ್ಯಂಕರ್ ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡಿದ್ದಾರೆ. ಈಗ ವೈರಲ್ ಆಗಿರುವ ವಿಡಿಯೋವನ್ನು ಸುಮಾರು 6 ದಿನಗಳ ಹಿಂದೆ ಹಂಚಿಕೊಳ್ಳಲಾಗಿತ್ತು. ಕ್ಲಿಪ್‌ನಲ್ಲಿ, ಪ್ರಯಾಣಿಕರು ವಿಮಾನದಲ್ಲಿ ಸಪ್ನಾ ಚೌಧರಿ ಅವರ ಜನಪ್ರಿಯ ಹಾಡಿಗೆ ಕುಣಿಯುವುದನ್ನು ಕಾಣಬಹುದಾಗಿದೆ.