Airbus; 30 ಏರ್‌ಬಸ್‌ ವಿಮಾನ ಖರೀದಿಗೆ ಮುಂದಾದ ಇಂಡಿಗೋ ಕಂಪೆನಿ

ಹೊಸದಿಲ್ಲಿ: ದೇಶದ ಅತೀದೊಡ್ಡ ವಿಮಾನಯಾನ ಸಂಸ್ಥೆ ಇಂಡಿಗೋ ತನ್ನ ಅಂತಾರಾಷ್ಟ್ರೀಯ ಕಾರ್ಯಾ ಚರಣೆಗಳನ್ನು ಹೆಚ್ಚಿಸುವುದಕ್ಕಾಗಿ ಏರ್‌ಬಸ್‌ ಎ-350-900ನ 30 ವಿಮಾನಗಳನ್ನು ಖರೀದಿಸಲು ಮುಂದಾಗಿದೆ. ಈ ಕುರಿತಂತೆ ಇಂಡಿಗೋ ಸಂಸ್ಥೆ ಮಾಹಿತಿ ನೀಡಿದ್ದು, ದೇಶದ ವಿವಿಧ ಭಾಗಗಳಿಂದ ಜಗತ್ತಿನ ವಿವಿಧ ಸ್ಥಳಗಳಿಗೆ ತಲುಪುವ ನಿಟ್ಟಿನಲ್ಲಿ ನಾವು ಮತ್ತೂಂದು ಹೆಜ್ಜೆ ಮುಂದಿಟ್ಟಿದ್ದು, ವಿಶಾಲವಾದ ಹಾಗೂ ಪ್ರಯಾಣಿಕರಿಗೆ ಅತ್ಯುತ್ತಮ ಪ್ರಯಾಣ ಅನುಭವ ನೀಡಲಿರುವ ಏರ್‌ಬಸ್‌ ಎ-350-900 ವಿಮಾನಗಳನ್ನು ಖರೀದಿಸಲು ಒಪ್ಪಂದ ಮಾಡಿಕೊಂಡಿದ್ದೇವೆ ಎಂದಿದೆ. ಕಳೆದ ವರ್ಷ ಒಂದೇ ಬಾರಿಗೆ 350 ವಿಮಾನಗಳ ಖರೀದಿಗೆ ಮುಂದಾಗಿ ಸುದ್ದಿಯಾಗಿತ್ತು.

ಗೋ ಫ‌ಸ್ಟ್‌ ಏರ್‌ಲೈನ್ಸ್‌ನ 54 ವಿಮಾನ ನೋಂದಣಿ ರದ್ದುಗೊಳಿಸಿ: ಹೈಕೋರ್ಟ್‌
ಮುಂದಿನ 5 ದಿನಗಳಲ್ಲಿ ಗೋ ಫ‌ಸ್ಟ್‌ ಏರ್‌ಲೈನ್ಸ್‌ ಗುತ್ತಿಗೆ ಪಡೆದಿರುವ ವಿಮಾನಗಳ ನೋಂದಣಿ ರದ್ದು ಮಾಡಲು ನಾಗರಿಕ ವಿಮಾನ ಯಾನ ಮಹಾ ನಿರ್ದೇಶನಾಲಯಕ್ಕೆ ದಿಲ್ಲಿ ಹೈಕೋರ್ಟ್‌ ಶುಕ್ರವಾರ ಸೂಚನೆ ನೀಡಿದೆ. ಇದು ಆರ್ಥಿಕವಾಗಿ ದಿವಾಳಿ ಎಂದು ಕಳೆದ ವರ್ಷವಷ್ಟೇ ಘೋಷಿ ಸಿ ಕೊಂಡಿ ರುವ ಗೋ ಫ‌ಸ್ಟ್‌ ಏರ್‌ಲೈನ್ಸ್‌ಗೆ ಆಗಿ ರುವ ಪ್ರಮುಖ ಹಿನ್ನಡೆ. ಪ್ರಕರಣದ ವಿಚಾರಣೆ ನಡೆಸಿದ ದಿಲ್ಲಿ ಹೈಕೋರ್ಟ್‌, ಗೋ ಫ‌ಸ್ಟ್‌ ಸಂಸ್ಥೆಯ ಎಲ್ಲ 54 ವಿಮಾನಗಳ ನೋಂದಣಿ ರದ್ದುಗೊಳಿಸಲು ಸೂಚಿಸಿದೆ. ಜತೆಗೆ ಈ ವಿಮಾನಗಳ ಕಾರ್ಯಾ ಚರಣೆ ನಡೆಸದಂತೆ ಸೂಚಿಸಿದೆ.  ವಿವಿಧ ಏವಿಯೇಶನ್‌ ಕಂಪೆನಿಗಳು ತಮ್ಮ ವಿಮಾನಗಳನ್ನು ಗೋ ಫ‌ಸ್ಟ್‌ ಏರ್‌ಲೈನ್ಸ್‌ನಿಂದ ಹಿಂಪಡೆಯಲು ಅನುಮತಿ ನೀಡುವಂತೆ 2023ರಲ್ಲಿ ದಿಲ್ಲಿ ಹೈಕೋರ್ಟ್‌ ಮೊರೆ ಹೋಗಿದ್ದವು.