ಭಾರತದ ಮಹಿಳಾ ತಂಡದ ಇಂಗ್ಲೆಂಡ್‌ ಪ್ರವಾಸ ಮುಂದೂಡಿಕೆ

ಲಂಡನ್‌: ಕೋವಿಡ್-19 ಸೋಂಕು ಹಿನ್ನೆಲೆಯಲ್ಲಿ ಇಂಗ್ಲೆಂಡ್‌ ಹಾಗೂ ವೇಲ್ಸ್‌ ಮಂಡಳಿ (ಇಸಿಬಿ) ಜು.1 ರವರೆಗೆ ತನ್ನೆಲ್ಲ ಮಾದರಿ ವೃತ್ತಿಪರ ಕ್ರಿಕೆಟ್‌ ಚಟುವಟಿಕೆ ರದ್ದುಗೊಳಿಸಿದೆ.

ಈ ಹಿನ್ನೆಲೆಯಲ್ಲಿ ಜೂ.25ರಂದು ಆರಂಭವಾಗಬೇಕಿದ್ದ ಭಾರತ ಮಹಿಳಾ ತಂಡದ ಇಂಗ್ಲೆಂಡ್‌ ಪ್ರವಾಸವು ಮುಂದೂಡಲ್ಪಟ್ಟಿದೆ. ಎರಡು ವಾರಗಳ ತಮ್ಮ ಕಿರು ಪ್ರವಾಸದ ವೇಳೆ ಭಾರತೀಯ ತಂಡವು ಇಂಗ್ಲೆಂಡ್‌ ವಿರುದ್ಧ 4 ಏಕದಿನ ಮತ್ತು 2 ಟಿ20 ಪಂದ್ಯಗಳನ್ನು ಆಡಬೇಕಿತ್ತು.

ಈ ಸರಣಿ ಜುಲೈ 9ರವರೆಗೆ ನಡೆಯಬೇಕಿತ್ತು. ಸದ್ಯ ಕೋವಿಡ್-19 ಸೋಂಕು ಕಾರಣದಿಂದ ಸರಣಿ ಮುಂದೂಡಲಾಗಿದೆ. ಮುಂದಿನ ವೇಳಾಪಟ್ಟಿಯನ್ನು ಇನ್ನಷ್ಟೇ ಪ್ರಕಟಿಸಬೇಕಿದೆ.

ಪುರುಷರ ಕ್ರಿಕೆಟ್ ನಲ್ಲಿ ಇಂಗ್ಲೆಂಡ್- ವೆಸ್ಟ್ ಸರಣಿಯೂ ಮುಂದೂಡಲ್ಪಿಟ್ಟಿದೆ. ಜೂನ್ 4ರಿಂದ ಆರಂಭವಾಗಲಿದ್ದ ಮೂರು ಟೆಸ್ಟ್ ಪಂದ್ಯಗಳ ಸರಣಿ ಕೋವಿಡ್ ಕಾರಣಕ್ಕೆ ಸದ್ಯ ನಡೆಸುವುದು ಅಸಾಧ್ಯವಾಗಿದೆ.