Whiskey: ಭಾರತದ “ಇಂದ್ರಿ” ಜಗತ್ತಿನ ಬೆಸ್ಟ್‌ ವಿಸ್ಕಿ!

ಭಾರತದಲ್ಲಿ ತಯಾರಾಗುವ ಇಂದ್ರಿ ಹೆಸರಿನ ವಿಸ್ಕಿ ಈಗ ಜಾಗತಿಕ ಬ್ರ್ಯಾಂಡ್‌ಗಳಿಗೇ ನಡುಕ ಹುಟ್ಟಿಸಿದೆ. ಇಂದ್ರಿಯು ಜಗತ್ತಿನ ಬೆಸ್ಟ್‌ ವಿಸ್ಕಿ ಎಂಬ ಗರಿಮೆಯನ್ನು ಗಳಿಸಿದೆ. ಸ್ಕಾಚ್‌, ಬಾರ್ಬನ್‌ ಸೇರಿದಂತೆ ಜಗತ್ತಿನ ಪ್ರಮುಖ 100 ಬ್ರಾಂಡ್‌ಗಳನ್ನು ಹಿಂದಿಕ್ಕಿ ಇಂದ್ರಿ ಈ ಹಿರಿಮೆಗೆ ಪಾತ್ರವಾಗಿದೆ.

ಹರಿಯಾಣದ ಪಿಕ್ಕಾಡಿಲಿ ಡಿಸ್ಟಿಲರೀಸ್‌ ಅದನ್ನು ಉತ್ಪಾದಿಸುತ್ತಿದೆ. ಈ ಬಗ್ಗೆ ಸಂತಸ ವ್ಯಕ್ತಪಡಿಸಿದ ಸಂಸ್ಥೆಯ ಸಂಸ್ಥಾಪಕ ಸಿದ್ಧಾರ್ಥ ಶರ್ಮಾ, ದೇಶಕ್ಕೆ ಇದೊಂದು ಹೆಮ್ಮೆಯ ಕ್ಷಣ. ಜಗತ್ತಿನ ಪ್ರಮುಖ ವಿಸ್ಕಿ ಕಂಪೆನಿಗಳನ್ನು ಮೀರಿಸುವಂಥ ಉತ್ಪನ್ನಗಳು ದೇಶದಲ್ಲಿ ಉತ್ಪಾದನೆ ಆಗುತ್ತಿವೆ ಎನ್ನುವುದಕ್ಕೆ ಇದು ಸಾಕ್ಷಿ ಎಂದಿದ್ದಾರೆ.