ಬ್ರಿಟನ್‌ ಆರ್ಥಿಕ ಸಲಹಾ ಸಮಿತಿಗೆ ಸುಶೀಲ್‌ ನೇಮಕ

ಲಂಡನ್‌: ಹೂಡಿಕೆ ತಜ್ಞ, ಭಾರತೀಯ ಮೂಲದ ಸುಶೀಲ್‌ ವಾಧ್ವಾನಿ ಅವರನ್ನು ಬ್ರಿಟನ್‌ ಆರ್ಥಿಕ ಸಲಹಾ ಸಮಿತಿಗೆ ನೇಮಕ ಮಾಡಲಾಗಿದೆ.

ಬ್ರಿಟನ್‌ ವಿತ್ತ ಸಚಿವ ಜೆರೆಮಿ ಹಂಟ್‌ ಈ ನಿರ್ಧಾರ ಕೈಗೊಂಡಿದ್ದಾರೆ. ಈ ಸಮಿತಿಯು ಬ್ರಿಟನ್‌ ಸರ್ಕಾರಕ್ಕೆ ಸ್ವಾತಂತ್ರ್ಯವಾಗಿ ಆರ್ಥಿಕ ಸಲಹೆಗಳನ್ನು ನೀಡುವ ಅಧಿಕಾರ ಹೊಂದಿದೆ.

ಸುಶೀಲ್‌ ಅವರು ಪಿಜಿಐಎಂ ವಾಧ್ವಾನಿ ಆಸ್ತಿ ನಿರ್ವಹಣೆ ಕಂಪನಿಗೆ ಮುಖ್ಯ ಹೂಡಿಕೆ ಅಧಿಕಾರಿಯಾಗಿದ್ದಾರೆ.

ಹೂಡಿಕೆ ಕ್ಷೇತ್ರದಲ್ಲಿ ಇವರಿಗೆ 30 ವರ್ಷಗಳ ಅನುಭವ ಇದೆ. ಈ ಹಿಂದೆ ಇವರು ಬ್ಯಾಂಕ್‌ ಆಫ್ ಇಂಗ್ಲೆಂಡ್‌ನ‌ ಸ್ವತಂತ್ರ ಹಣಕಾಸು ನೀತಿ ಸಮಿತಿ(ಎಂಪಿಸಿ)ಯ ಸದಸ್ಯರಾಗಿದ್ದರು.