Classical Chess: ಪೋಲೆಂಡ್‌ ಜಿಎಂಗೆ ಆಘಾತವಿಕ್ಕಿದ 8ರ ಬಾಲಕ

ಸಿಂಗಾಪುರ: ಸ್ವಿಜರ್ಲೆಂಡ್‌ನ‌ಲ್ಲಿ ನಡೆಯುತ್ತಿರುವ “ಬರ್ಗ್‌ಡೋರ್ಫರ್ ಸ್ಟಾತೌಸ್‌ ಓಪನ್‌’ ಚೆಸ್‌ ಪಂದ್ಯಾವಳಿಯಲ್ಲಿ ಭಾರತೀಯ ಮೂಲದ ಸಿಂಗಾಪುರದ 8 ವರ್ಷದ ಬಾಲಕ ಅಶ್ವತ್ಥ್ ಕೌಶಿಕ್‌ ಅಸಾಮಾನ್ಯ ಸಾಧನೆಗೈದಿದ್ದಾನೆ. ಪೋಲೆಂಡ್‌ನ‌ ಗ್ರ್ಯಾನ್‌ಮಾಸ್ಟರ್‌ ಜಾಸೆಕ್‌ ಸ್ಟೋಪ ಅವರನ್ನು ಸೋಲಿಸಿ ವಿಶ್ವದಾಖಲೆ ನಿರ್ಮಿಸಿದ್ದಾನೆ. ಸ್ಟೋಪ ವಯಸ್ಸು 37 ವರ್ಷ.

ಇದಕ್ಕೂ ಕೆಲವು ವಾರಗಳ ಮೊದಲು ಅಶ್ವತ್ಥ್ಗಿಂತ ತುಸು ಹಿರಿಯನಾದ ಸರ್ಬಿಯಾದ ಲಿಯೋನಿಡ್‌ ಇವಾನೊವಿಕ್‌, ಬಲ್ಗೇರಿಯಾದ 60 ವರ್ಷದ ಜಿಎಂ ಮಿಲ್ಕೊ ಪೊಪೆcàವ್‌ ಅವರನ್ನು ಸೋಲಿಸಿದ್ದ. ಇದು ಬೆಲ್ಗೆ†àಡ್‌ ಓಪನ್‌ ಪಂದ್ಯಾವಳಿಯಾಗಿತ್ತು.

ಫಿಡೆ ರ್‍ಯಾಂಕಿಂಗ್‌ನಲ್ಲಿ 37,338ನೇ ಸ್ಥಾನದಲ್ಲಿರುವ ಅಶ್ವತ್ಥ್ ಕೌಶಿಕ್‌ 2017ರಲ್ಲಿ ಸಿಂಗಾಪುರಕ್ಕೆ ತೆರಳಿದ್ದ. ಅಶ್ವತ್ಥ್ನ ಈ ಸಾಧನೆಯನ್ನು ಸಿಂಗಾಪುರ ಚೆಸ್‌ ಫೆಡರೇಶನ್‌ ಸಿಎಒ ಕೆವಿನ್‌ ಗೋಹ್‌ ಪ್ರಶಂಸಿಸಿದ್ದಾರೆ. ಇದು ಅತ್ಯಂತ ಹೆಮ್ಮೆಯ ಹಾಗೂ ಸಂತೋಷದ ಕ್ಷಣ ಎಂಬುದಾಗಿ ಅಶ್ವತ್ಥ್ನ ತಂದೆ ಶ್ರೀರಾಮ್‌ ಕೌಶಿಕ್‌ ಪ್ರತಿಕ್ರಿಯಿಸಿದ್ದಾರೆ.