ಪುಣೆಯಲ್ಲಿ ಡೀಸೆಲ್‌ ಹೋಂ ಡೆಲಿವರಿ

ಹೊಸದಿಲ್ಲಿ: ತರಕಾರಿ, ಅಕ್ಕಿ, ಬೇಳೆ- ಕಾಳುಗಳನ್ನು ಆನ್‌ಲೈನ್‌ನಲ್ಲಿ ಖರೀದಿಸಿದಂತೆ, ಡೀಸೆಲ್‌ ಅನ್ನೂ ಮನೆ ಬಾಗಿಲಿಗೆ ತರಿಸಿಕೊಳ್ಳುವ ಯೋಜನೆ ಇದೀಗ ಪುಣೆಯಲ್ಲಿ ಪ್ರಾಯೋಗಿಕವಾಗಿ ಆರಂಭವಾಗಿದೆ. ಸರ್ಕಾರಿ ಸ್ವಾಮ್ಯದ ಇಂಡಿಯನ್‌ ಆಯಿಲ್‌ ಕಾರ್ಪೊರೇಷನ್‌ (ಐಒಸಿ) ಮನೆ ಮನೆಗೆ ಡೀಸೆಲ್‌ ಪೂರೈಕೆ ಮಾಡಲು ಆರಂಭಿಸಿದೆ. 3 ತಿಂಗಳ ಪ್ರಾಯೋಗಿಕ ಯೋಜನೆ ಯಶಸ್ವಿಯಾದರೆ ಈ ವ್ಯವಸ್ಥೆಯನ್ನು ದೇಶದ ಇತರ ಭಾಗಗಳಿಗೂ ವಿಸ್ತರಣೆ ಮಾಡಲಾಗುತ್ತದೆ ಎಂದು ಐಒಸಿ ಅಧ್ಯಕ್ಷ ಸಂಜೀವ್‌ ಸಿಂಗ್‌ ಹೇಳಿದ್ದಾರೆ.