ಸೇನೆಗೆ ಸ್ವದೇಶಿ ಗ್ರೆನೇಡ್‌ ಹಸ್ತಾಂತರ 

ಹೊಸದಿಲ್ಲಿ: ಇದೇ ಮೊದಲ ಬಾರಿಗೆ ದೇಶದ ಖಾಸಗಿ ವಲಯದ ಕಂಪೆನಿಯೊಂದು ಭಾರತದಲ್ಲೇ ಗ್ರೆನೇಡ್‌ ತಯಾರಿಸಿ, ಮಂಗಳವಾರ ಸೇನೆಗೆ ಹಸ್ತಾಂತರಿಸಿದೆ.

ರಕ್ಷಣ ಸಚಿವ ರಾಜನಾಥ್‌ ಸಿಂಗ್‌, ಸೇನಾ ಮುಖ್ಯಸ್ಥ ಜಣ ಎಂ.ಎಂ. ನರವಣೆ ಸಮ್ಮುಖದಲ್ಲೇ ಹಸ್ತಾಂತರ ಪ್ರಕ್ರಿಯೆ ನಡೆದಿದೆ.

ಭಾರತೀಯ ರಕ್ಷಣ ಸಂಶೋಧನೆ ಮತ್ತು ಅಭಿವೃದ್ಧಿ ಸಂಸ್ಥೆ (ಡಿಆರ್‌ಡಿಒ) ಸಹಭಾಗಿತ್ವದಲ್ಲಿ ನಾಗ್ಪುರ ಮೂಲದ ಎಕಾನಾಮಿಕ್‌ ಎಕ್ಸ್‌ಪ್ಲೋಸಿವ್‌ ಲಿ. ಕಂಪೆನಿಯು ಈ ಮಲ್ಟಿಮೋಡ್‌ ಹ್ಯಾಂಡ್‌ ಗ್ರೆನೇಡ್‌ ತಯಾರಿಸಿದೆ. ಸುಮಾರು 1 ಲಕ್ಷ ಗ್ರೆನೇಡ್‌ಗಳನ್ನು ಯಶಸ್ವಿಯಾಗಿ ಪರೀಕ್ಷೆ ನಡೆಸಿ, ಪೂರೈಸಲಾಗಿದೆ. ಭಾರತೀಯ ಸೇನೆ ಮತ್ತು ವಾಯುಪಡೆಗೆ 10 ಲಕ್ಷ ಆಧುನಿಕ ಹ್ಯಾಂಡ್‌ ಗ್ರೆನೇಡ್‌ ಪೂರೈಸುವ ಒಪ್ಪಂದಕ್ಕೆ 2020ರ ಅಕ್ಟೋಬರ್‌ನಲ್ಲಿ ಇಇಎಲ್‌ ಕಂಪೆನಿ ಹಾಗೂ ರಕ್ಷಣ ಸಚಿವಾಲಯ ಸಹಿ ಹಾಕಿದ್ದವು.