ಅಸ್ತ್ರ –ಕ್ಷಿಪಣಿ ಯಶಸ್ವಿ ಪರೀಕ್ಷೆ

ಭುವನೇಶ್ವರ: ಆಗಸದ ಗುರಿಗಳನ್ನು ಛೇದಿಸಬಲ್ಲ, ಯುದ್ಧವಿಮಾನಗಳಲ್ಲಿ ಅಳವಡಿಕೆ ಮಾಡಬಹುದಾದ ‘ಅಸ್ತ್ರ ಕ್ಷಿಪಣಿ’ಯ ಪರೀಕ್ಷೆ ಒಡಿಶಾದ ಸಮುದ್ರ ತೀರದಲ್ಲಿ ಯಶಸ್ವಿಯಾಗಿ ನೆರವೇರಿದೆ.

ವಾಯುಪಡೆಯ ಸುಖೋಯ್‌-30 ಎಂಕೆಐ ಯುದ್ಧ ವಿಮಾನದ ಮೂಲಕ ಈ ಕ್ಷಿಪಣಿ ಪರೀಕ್ಷೆ ನಡೆಸಲಾಗಿದೆ. ಇದು ಎಲೆಕ್ಟ್ರೋ ಆಪ್ಟಿಕಲ್‌ ಟ್ರ್ಯಾಕಿಂಗ್‌ ವ್ಯವಸ್ಥೆಯನ್ನು ಹೊಂದಿದ್ದು, ರಕ್ಷಣಾ ಸಂಶೋಧನೆ ಮತ್ತು ಅಭಿವೃದ್ಧಿ ಸಂಸ್ಥೆ (ಡಿ.ಆರ್‌.ಡಿ.ಒ.) ಕ್ಷಿಪಣಿ ಅಭಿವೃದ್ಧಿ ಪಡಿಸಿದೆ.

ಭಾರತದ ಮೊದಲ ಸ್ವದೇಶಿ ತಂತ್ರಜ್ಞಾನ ಆಗಸದಿಂದ ಆಗಸಕ್ಕೆ ನೆಗೆಯುವ ಕ್ಷಿಪಣಿ ಇದಾಗಿದೆ. ಶಬ್ದದ ವೇಗದಲ್ಲಿ ಸಾಗಿ 80 ರಿಂದ 110 ಕಿ.ಮೀ. ವರೆಗಿನ ಗುರಿಗಳನ್ನು ಇದು ಛೇದಿಸಬಲ್ಲದು.