Under-19 ಕ್ರಿಕೆಟ್‌ ಸರಣಿ ಗೆದ್ದ ಭಾರತ

ಪುದುಚೆರಿ: ಅಂಡರ್‌-19 ಭಾರತ ತಂಡ ಪ್ರವಾಸಿ ಆಸ್ಟ್ರೇಲಿಯ ವಿರುದ್ಧ 9 ವಿಕೆಟ್‌ಗಳ ಜಯ ಗಳಿಸಿ ಏಕದಿನ ಸರಣಿ ವಶಪಡಿಸಿಕೊಂಡಿದೆ. ಆಸ್ಟ್ರೇಲಿಯ 49.3 ಓವರ್‌ಗಳಲ್ಲಿ 176ಕ್ಕೆ ಆಲೌಟಾದರೆ, ಭಾರತ 22 ಓವರ್‌ಗಳಲ್ಲಿ ಒಂದೇ ವಿಕೆಟಿಗೆ 177 ರನ್‌ ಬಾರಿಸಿತು.

75 ಎಸೆತಗಳಲ್ಲಿ 109 ರನ್‌ ಸಿಡಿಸಿದ ಸಾಹಿಲ್‌ ಪರಖ್‌ ಭಾರತದ ಗೆಲುವಿನ ಹೀರೋ ಆಗಿದ್ದರು. ಅಭಿಗ್ಯಾನ್‌ ಕುಂಡು ಅಜೇಯ 53 ರನ್‌ ಹೊಡೆದರು. ಬೌಲಿಂಗ್‌ನಲ್ಲಿ ಸಮರ್ಥ್ ನಾಗರಾಜ್‌, ಮೊಹಮ್ಮದ್‌ ಇನಾನ್‌, ಕಿರಣ್‌ ಸಿ. ತಲಾ 2 ವಿಕೆಟ್‌ ಉರುಳಿಸಿ ಮಿಂಚಿದರು