Ranji Trophy: ಕರ್ನಾಟಕ ವಿರುದ್ಧ 218 ರನ್‌ ಹಿನ್ನಡೆಯಲ್ಲಿ ಚಂಡೀಗಢ

ಚಂಡೀಗಢ: ಇಲ್ಲಿ ನಡೆಯುತ್ತಿರುವ 23ರ ವಯೋಮಿತಿಯ ಸಿ.ಕೆ.ನಾಯ್ಡು ಟ್ರೋಫಿ ಕ್ರಿಕೆಟ್‌ ಪಂದ್ಯದಲ್ಲಿ ಕರ್ನಾಟಕ ವಿರುದ್ಧ ಚಂಡೀಗಢ ತಂಡ 218 ರನ್‌ ಹಿನ್ನಡೆಯಲ್ಲಿದೆ.

ಆರಂಭಿಕ ಇನಿಂಗ್ಸ್‌ನಲ್ಲಿ ಕರ್ನಾಟಕ, ಪ್ರಖರ್‌ ಚತುರ್ವೇದಿ ಅವರ ದ್ವಿಶತಕದೊಂದಿಗೆ (220) ಭರ್ಜರಿ 429 ರನ್‌ ಕಲೆ ಹಾಕಿದರೆ, 1ನೇ ಇನಿಂಗ್ಸ್‌ ಆಡುತ್ತಿರುವ ಚಂಡೀಗಢ, ಶನಿವಾರ 2ನೇ ದಿನದಂತ್ಯಕ್ಕೆ 211 ರನ್‌ ಬಾರಿಸಿ 8 ವಿಕೆಟ್‌ಗಳನ್ನು ಕಳೆದುಕೊಂಡು ಸಂಕಷ್ಟಕ್ಕೀಡಾಗಿದೆ.

ಟಾಸ್‌ ಗೆದ್ದು ಬ್ಯಾಟಿಂಗ್‌ ಆಯ್ದುಕೊಂಡಿದ್ದ ಕರ್ನಾಟಕಕ್ಕೆ ಆರಂಭಿಕರಾದ ಮೆಕ್ನೀಲ್‌ ನೊರೋಹ್ನ 47, ಪ್ರಖರ್‌ 220 ರನ್‌ ಬಾರಿಸಿ ಉತ್ತಮ ಆರಂಭ ನೀಡಿದರು. ಇನ್ನು ಹರ್ಷಿಲ್‌ ಧರ್ಮಾನಿ 67, ಧ್ರುವ್‌ ಪ್ರಭಾಕರ್‌ 56 ರನ್‌ನೊಂದಿಗೆ ತಂಡದ ಮೊತ್ತ 400ರ ಗಡಿ ದಾಟಿತು. ಅತ್ತ ಚಂಡೀಗಢ, ಅಗ್ರ ಕ್ರಮಾಂಕದ ಬ್ಯಾಟರ್‌ಗಳಾದ ದೀಪೇಂದರ್‌ ಕುಷ್‌ 83, ದೇವಂಗ್‌ ಕೌಶಿಕ್‌ 58 ರನ್‌ನೊಂದಿಗೆ 200+ ರನ್‌ ಗಳಿಸುವಲ್ಲಿ ಯಶಸ್ವಿಯಾಯಿತು. ಆದರೆ ಆರಂಭಿಕ ಇನಿಂಗ್ಸ್‌ನಲ್ಲಿ ಚಂಡೀಗಢ ಹಿನ್ನಡೆ ಅನುಭವಿಸುವ ಎಲ್ಲಾ ಸಾಧ್ಯತೆಗಳಿವೆ.

ಸಂಕ್ಷಿಪ್ತ ಸ್ಕೋರ್‌: ಕರ್ನಾಟಕ 429 (ಪ್ರಖರ್‌ 220, ಧ್ರುವ್‌ 56, ಇವರಾಜ್‌ 103ಕ್ಕೆ 4), ಚಂಡೀಗಢ 211 (ದೀಪೇಂದರ್‌ 83, ದೇವಂಗ್‌ 58, ಪರಾಸ್‌ 67ಕ್ಕೆ 4).