Advertisement
ಗೆಲುವಿಗೆ 513 ರನ್ನುಗಳ ಕಠಿನ ಗುರಿ ಪಡೆದಿದ್ದ ಬಾಂಗ್ಲಾ, 4ನೇ ದಿನದ ಅಂತ್ಯಕ್ಕೆ 6 ವಿಕೆಟ್ ಕಳೆದುಕೊಂಡು 272 ರನ್ ಗಳಿಸಿತ್ತು. ವಿಕೆಟ್ ಉಳಿಸಿಕೊಂಡು ಕೊನೆಯ ದಿನ ಬಾಂಗ್ಲಾ 241 ರನ್ ಪೇರಿಸಬೇಕಿತ್ತು.ದ್ವಿತೀಯ ಇನ್ನಿಂಗ್ಸ್‌ ನಲ್ಲಿ ಬಾಂಗ್ಲಾ 324 ರನ್ನಿಗೆ ತನ್ನೆಲ್ಲಾ ವಿಕೆಟ್ ಕಳೆದುಕೊಂಡು ಭಾರತದ ಆಲ್‌ ರೌಂಡ್‌ ಆಟಕ್ಕೆ ಶರಣಾಗಿದೆ.
Related Articles
Advertisement
ಎರಡನೇ ಇನ್ನಿಂಗ್ಸ್‌ ನಲ್ಲೂ ಭರ್ಜರಿ ಬ್ಯಾಟ್‌ ಮಾಡಿದ ಪೂಜಾರ 102 ರನ್ ತಂಡಕ್ಕೆ ನೀಡಿದರು. ಶುಭ್‌ಮನ್ ಗಿಲ್ ಚೊಚ್ಚಲ 110 ಗಳಿಸಿದರು. ಎರಡನೇ ಇನ್ನಿಂಗ್ ನಲ್ಲಿ ಎರಡು ವಿಕೆಟ್ ನಷ್ಟಕ್ಕೆ 258 ರನ್ ಗಳಿಸಿದ ಭಾರತವು ಡಿಕ್ಲೇರ್ ಮಾಡಿಕೊಂಡು, ಬಾಂಗ್ಲಾಗೆ 513 ರನ್ ಗಳ ಗೆಲುವಿನ ಗುರಿ ನೀಡಿತ್ತು.
4ನೇ ದಿನ ಬಾಂಗ್ಲಾದ ಎಡಗೈ ಆರಂಭಕಾರ ಝಾಕಿರ್‌ ಹಸನ್ ಚೊಚ್ಚಲ ಟೆಸ್ಟ್ ಪಂದ್ಯದಲ್ಲೇ ಶತಕ ಬಾರಿಸಿದ್ದು ಬಾಂಗ್ಲಾ ಆಸರೆಯಾಯಿತು. ನಜ್ಮುಲ್‌ ಅವರನ್ನು ಕೀಪರ್‌ ಪಂತ್‌ ಕೈಗೆ ಕ್ಯಾಚ್‌ ಕೊಡಿಸಿದ ಉಮೇಶ್‌ ಯಾದವ್ ಭಾರತಕ್ಕೆ ಮೊದಲ ಯಶಸ್ಸು ತಂದಿತ್ತರು. ಬಳಿಕ ಬೆನ್ನು ಬೆನ್ನಿಗೆ ವಿಕೆಟ್ ಉರುಳುತ್ತ ಹೋಯಿತು. ಯಾಸಿರ್‌ ಅಲಿ (5), ಲಿಟನ್‌ ದಾಸ್‌ (19), ರಹೀಂ (23), ನುರುಲ್‌ ಹಸನ್ (3) ಬೇಗನೇ ಪೆವಿಲಿಯನ್‌ ಸೇರಿಕೊಂಡರು.
ಶಾಕಿಬ್ ಅಲ್ ಹಸನ್ ಕಪ್ತಾನನಾಗಿ ಹೆಚ್ಚು ಹೊತ್ತು ಕ್ರಿಸ್‌ ನಲ್ಲಿ ನಿಂತರೂ ಅವರಿಗೆ ಜೊತೆಯಾಟ ನೀಡುವಲ್ಲಿ ಉಳಿದವರು ವಿಫಲರಾದರು.
ಅಂತಿಮವಾಗಿ 324 ರನ್ನಿಗೆ ಬಾಂಗ್ಲಾ ಸರ್ವಪತನ ಕಂಡಿತು. ಟೀಮ್‌ ಇಂಡಿಯಾದ ಪರವಾಗಿ ಅಕ್ಷರ್‌ ಪಟೇಲ್‌ 4 ವಿಕೆಟ್ ಪಡೆದರೆ, ಕುಲ್‌ ದೀಪ್‌ ಯಾದವ್ 3 ಪ್ರಮುಖ ವಿಕೆಟ್ ಗಳನ್ನು ಪಡೆದರು. ಕುಲ್‌ ದೀಪ್‌ ಯಾದವ್ ಎರಡೂ ಇನ್ನಿಂಗ್ಸ್‌ ಸೇರಿ 8 ವಿಕೆಟ್ ಗಳನ್ನು ಪಡೆದುಕೊಂಡರು.