ಮಲೇಷ್ಯಾ ಜತೆ ರೂಪಾಯಿಯಲ್ಲಿ ವಹಿವಾಟು

ನವದೆಹಲಿ: ಮಲೇಷ್ಯಾ ಜತೆಗೆ ಇನ್ನು ಮುಂದೆ ವ್ಯಾಪಾರ ಮತ್ತು ವಾಣಿಜ್ಯ ಕ್ಷೇತ್ರದಲ್ಲಿ ರೂಪಾಯಿಯಲ್ಲಿಯೇ ವಹಿವಾಟು ಮಾಡುವ ನಿರ್ಧಾರ ಕೈಗೊಳ್ಳಲಾಗಿದೆ.

ಈ ಬಗ್ಗೆ ವಿದೇಶಾಂಗ ಸಚಿವಾಲಯ ಶನಿವಾರ ಮಾಹಿತಿ ನೀಡಿದೆ.

ಜಗತ್ತಿನ ಹದಿನೆಂಟು ರಾಷ್ಟ್ರಗಳ ಜತೆಗೆ ರೂಪಾಯಿಯಲ್ಲಿಯೇ ವಹಿವಾಟು ನಡೆಸುವ ಬಗ್ಗೆ ಆರ್‌ಬಿಐ ಕಳೆದ ವರ್ಷ ಅನುಮತಿ ನೀಡಿತ್ತು. ಅದಕ್ಕೆ ಅನುಸಾರವಾಗಿ ಈ ನಿರ್ಣಯ ಕೈಗೊಳ್ಳಲಾಗಿದೆ.

ಸದ್ಯ ಜಾರಿಯಲ್ಲಿರುವ ಕರೆನ್ಸಿಗಳ ಜತೆಗೆ ಹೊಸ ವ್ಯವಸ್ಥೆಯೂ ಜಾರಿಯಲ್ಲಿ ಇರುತ್ತದೆ ಎಂದು ಸಚಿವಾಲಯ ತಿಳಿಸಿದೆ.