ಸಿಪೆಕ್‌: ಭಾರತದ ವಿರುದ್ಧ ಕಿಡಿಕಾರಿದ ಪಾಕಿಸ್ಥಾನ

ಇಸ್ಲಾಮಾಬಾದ್‌: ಸುಮಾರು 32 ಲಕ್ಷ ಕೋಟಿ ರೂ. ವೆಚ್ಚದಲ್ಲಿ ನಿರ್ಮಾಣವಾಗುತ್ತಿರುವ ಚೀನ-ಪಾಕಿಸ್ಥಾನ ಆರ್ಥಿಕ ಕಾರಿಡಾರ್‌ (ಸಿಪಿಇಸಿ) ಅನುಷ್ಠಾನಗೊಳ್ಳದಂತೆ ಭಾರತ ಕುತಂತ್ರಗಳನ್ನು ಹೆಣೆಯುತ್ತಿದ್ದು, ಇದಕ್ಕೆ ಪೂರಕವಾಗಿ ಆಫ್ಘಾನಿಸ್ಥಾನವನ್ನು ಬಳಸಿಕೊಳ್ಳುತ್ತಿದೆ ಎಂದು ಪಾಕಿಸ್ಥಾನದ ಆಂತರಿಕ ವ್ಯವಹಾರಗಳ ಸಚಿವ ಎಹಸಾನ್‌ ಇಕ್ಬಾಲ್‌ ಆರೋಪಿಸಿದ್ದಾರೆ.

 ಈ ಮೂಲಕ, ಇತ್ತೀಚೆಗೆ ಗಾಢವಾಗುತ್ತಿರುವ ಭಾರತ-ಅಫ್ಘಾನ್‌ ಸಂಬಂಧಕ್ಕೆ ಕಪ್ಪು ಮಸಿ ಬಳಿಯಲು ಯತ್ನಿಸಿದ್ದಾರೆ. ಇದೇ ವೇಳೆ, ಅಮೆರಿಕದ ವಿರುದ್ಧವೂ ಕಿಡಿಕಾರಿದ ಅವರು, ಭಯೋತ್ಪಾದನೆ ವಿಚಾರದಲ್ಲಿ ಪಾಕಿಸ್ಥಾನಕ್ಕೆ ಪದೇ ಪದೆ ಎಚ್ಚರಿಕೆ ನೀಡುವ ಚಾಳಿಯನ್ನು ಅಮೆರಿಕ ಬಿಡಬೇಕು ಎಂದಿದ್ದಾರೆ.