ಭಾರತ ಹಾಕಿ ಸಂಸ್ಥೆ-ಸಹಾರ ಒಪ್ಪಂದ ವಿಸ್ತರಣೆ

ಹೊಸದಿಲ್ಲಿ: ಭಾರತ ಹಾಕಿ ಸಂಸ್ಥೆ ಜತೆ ಸಹಾರ ಗ್ರೂಪ್‌ ಮಾಡಿಕೊಂಡಿರುವ ಒಪ್ಪಂದವನ್ನು 2021ರ ವರೆಗೆ ವಿಸ್ತರಿಸಿದೆ. ಇದರಿಂದಾಗಿ ಹಾಕಿ ಸಂಸ್ಥೆಗೆ ಮತ್ತೂಷ್ಟು ಬಲ ಬಂದಂತಾಗಿದೆ. ಪುರುಷರ ಮತ್ತು ಮಹಿಳೆಯರ ಹಿರಿಯ, ಕಿರಿಯ ಎರಡೂ ವಿಭಾಗಕ್ಕೂ ನೆರವು ದೊರೆಯಲಿದೆ. ಇದು ಭಾರತದ 2020ರ ಟೋಕಿಯೋ ಒಲಿಂಪಿಕ್ಸ್‌ ಸಿದ್ಧತೆಗೆ ನೆರವಾಗಲಿದೆ.

ಈ ಕುರಿತು ಪ್ರತಿಕ್ರಿಯಿಸಿದ ಸಹಾರ ಗ್ರೂಪ್‌ನ ಅಭಿಜಿತ್‌ ಸರ್ಕಾರ್‌, “ಹಾಕಿ ನಮ್ಮ ರಾಷ್ಟ್ರೀಯ ಕ್ರೀಡೆಯಾಗಿದೆ. ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಹಿರಿಯರ ಮತ್ತು ಕಿರಿಯರ ತಂಡ ಉತ್ತಮ ಪ್ರದರ್ಶನ ನೀಡುತ್ತಿದೆ. ಹೀಗಾಗಿ ಒಪ್ಪಂದವನ್ನು ಮುಂದುವರಿಸುತ್ತಿರುವ ಬಗ್ಗೆ ಹೆಮ್ಮೆಯಿದೆ’ ಎಂದಿದ್ದಾರೆ. ಇತ್ತೀಚೆಗೆ ಭಾರತ ಕಿರಿಯರ ತಂಡ ವಿಶ್ವಕಪ್‌ ಗೆದ್ದರೆ, ಹಿರಿಯರ ತಂಡ ಚಾಂಪಿಯನ್ಸ್‌ ಟ್ರೋಫಿಯಲ್ಲಿ ಬೆಳ್ಳಿ ಪದಕ ಜಯಿಸಿದೆ. ಮಹಿಳಾ ತಂಡ ಏಶ್ಯನ್‌ ಚಾಂಪಿಯನ್ಸ್‌ ಟ್ರೋಫಿ ಗೆದ್ದಿದೆ.