ಮುಂಬೈ: ಅ.18ರಿಂದ ಆರಂಭವಾಗಲಿರುವ ಎಮರ್ಜಿಂಗ್‌ ಟೀಮ್ಸ್‌ ಟಿ20 ಏಷ್ಯಾ ಕಪ್‌ ಕೂಟಕ್ಕೆ (ACC Men’s T20 Emerging Teams Asia Cup) ಭಾರತ ಎ ತಂಡವನ್ನು ಪ್ರಕಟಿಸಲಾಗಿದೆ. ತಿಲಕ್ ವರ್ಮಾ ಅವರು ಭಾರತ ತಂಡವನ್ನು ಮುನ್ನಡೆಸಲಿದ್ದಾರೆ.
ಒಮಾನ್‌ ನಲ್ಲಿ ಅ.18ರಿಂದ 27ರವರೆಗೆ ಉದಯೋನ್ಮುಖ ತಂಡಗಳ ಟಿ20 ಏಷ್ಯಾ ಕಪ್‌ ನಡೆಯಲಿದೆ. ಭಾರತವು ಬಿ ಗುಂಪಿನಲ್ಲಿ ಸ್ಥಾನ ಪಡೆದಿದ್ದು, ಒಮಾನ್‌, ಪಾಕಿಸ್ತಾನ ಎ ಮತ್ತು ಯುಎಇ ತಂಡಗಳಿವೆ. ಎ ಗುಂಪಿನಲ್ಲಿ ಅಫ್ಘಾನಿಸ್ತಾನ ಎ, ಬಾಂಗ್ಲಾದೇಶ ಎ, ಶ್ರೀಲಂಕಾ ಎ ಮತ್ತು ಹಾಂಕಾಂಗ್‌ ತಂಡಗಳು ಇರಲಿದೆ.
ಭಾರತವು ಅ.19ರಂದು ಪಾಕಿಸ್ತಾನ ಎ ತಂಡದ ಎದುರಿನ ಪಂದ್ಯದೊಂದಿಗೆ ಕೂಟ ಆರಂಭಿಸಲಿದೆ. ಈ ಪಂದ್ಯವು ಮಸ್ಕಟ್‌ ನ ಒಮಾನ್‌ ಕ್ರಿಕೆಟ್‌ ಅಕಾಡೆಮಿ ಮೈದಾನದಲ್ಲಿ ನಡೆಯಲಿದೆ.
ಭಾರತ ಎ ತಂಡ: ತಿಲಕ್ ವರ್ಮಾ (ನಾ), ಅಭಿಷೇಕ್ ಶರ್ಮಾ (ಉ.ನಾ), ಪ್ರಭ್‌ ಸಿಮ್ರಾನ್ ಸಿಂಗ್ (ವಿ.ಕೀ), ನಿಶಾಂತ್ ಸಿಂಧು, ರಮಣದೀಪ್ ಸಿಂಗ್, ನೆಹಾಲ್ ವಧೇರಾ, ಆಯುಷ್ ಬಡೋನಿ, ಅನುಜ್ ರಾವತ್ (ವಿ.ಕೀ), ಸಾಯಿ ಕಿಶೋರ್, ಹೃತಿಕ್ ಶೋಕೀನ್, ರಾಹುಲ್ ಚಾಹರ್, ವೈಭವ್ ಅರೋರಾ, ಅಂಶುಲ್ ಕಾಂಬೋಜ್, ಅಕಿಬ್ ಖಾನ್, ರಸಿಕ್ ಸಲಾಂ
