ಹೆಚ್ಚಿದ ಭಾರತೀಯ ವಲಸಿಗರು

ವಾಷಿಂಗ್ಟನ್‌: ಮೆಕ್ಸಿಕೊ ದಾಟಿ ಅಮೆರಿಕ ಪ್ರವೇಶಿಸಿ, ಆಶ್ರಯ ಬೇಡುತ್ತಿರುವ ಭಾರತೀಯರ ಸಂಖ್ಯೆ ಇತ್ತೀಚಿನ ದಿನಗಳಲ್ಲಿ ಹೆಚ್ಚುತ್ತಿದೆ ಎಂದು ಮಾಧ್ಯಮ ವರದಿಯೊಂದು ಹೇಳಿದೆ. “ಲ್ಯಾಟಿನ್‌ ಅಮೆರಿಕ ದಾಟಿ ಅಮೆರಿಕ ಪ್ರವೇಶಿದ ಸಾವಿರಾರು ಜನರಲ್ಲಿ ಭಾರತೀಯರೂ ಸೇರಿದ್ದಾರೆ. ಹೈತಿ, ಆಫ್ರಿಕಾ ಮತ್ತಿತರ ದೇಶಗಳಿಗೆ ಹೋಲಿಸಿದರೆ ಆಶ್ರಯ ಪಡೆದಿರುವ ಭಾರತೀಯ ಅಕ್ರಮ ವಲಸಿಗರ ಸಂಖ್ಯೆ ಕಡಿಮೆಯೇ, ಆದರೆ ಮೊದಲಿಗಿಂತ ಇತ್ತೀಚಿನ ದಿನಗಳಲ್ಲಿ ಭಾರತೀಯ ಅಕ್ರಮ ವಲಸಿಗರು ಹೆಚ್ಚುತ್ತಿದ್ದಾರೆ’ ಎಂದು ದ ಲಾಸ್‌ ಏಂಜಲೀಸ್‌ ಟೈಮ್ಸ್‌ ವರದಿ ಮಾಡಿದೆ. ಕ್ಯಾಲಿಫೋರ್ನಿಯಾದ ಜೈಲಿನಲ್ಲಿ ವಶದಲ್ಲಿರುವ 680 ವಲಸಿಗರಲ್ಲಿ 380 ಜನರು ಭಾರತೀಯರಿದ್ದಾರೆ. ವಶದಲ್ಲಿರುವ ಸಿಖ್‌ ಸಮುದಾಯದವರು ತಮಗೆ ತಮ್ಮ ಧಾರ್ಮಿಕ ಆಚರಣೆಗಳನ್ನು ಕೈಗೊಳ್ಳಲು ಇಲ್ಲಿ ಅನುಮತಿ ನೀಡುತ್ತಿಲ್ಲ ಎಂದು ಹೇಳಿದ್ದಾರೆ.