Advertisement
ಸಿಡಿದಾರೇ ಸೂರ್ಯ?ಎರಡೂ ಏಕದಿನ ತಂಡಗಳು ವಿಭಿನ್ನವಾಗಿದೆ. ಭಾರತ ಸೂರ್ಯಕುಮಾರ್‌, ಇಶಾನ್‌ ಕಿಶನ್‌, ಸಂಜು ಸ್ಯಾಮ್ಸನ್‌, ಚಹಲ್‌, ಉಮ್ರಾನ್‌ ಮಲಿಕ್‌ ಮೊದಲಾದವರ ಫಾರ್ಮನ್ನು ಗಂಭೀರವಾಗಿ ಪರಿಗಣಿಸಲಿದೆ. ಆಯ್ಕೆ ಸಮಿತಿ ಅಧ್ಯಕ್ಷ ಅಜಿತ್‌ ಅಗರ್ಕರ್‌ ಇದಕ್ಕಾಗಿಯೇ ವೆಸ್ಟ್‌ ಇಂಡೀಸ್‌ಗೆ ಬಂದಿಳಿದಿದ್ದಾರೆ.
ಕೀಪಿಂಗ್‌ ವಿಭಾಗದಲ್ಲಿ ಇಶಾನ್‌ ಕಿಶನ್‌, ಸಂಜು ಸ್ಯಾಮ್ಸನ್‌ ನಡುವೆ ಸ್ಪರ್ಧೆ ಇದೆ. ಮುಂದಿನ ದಿನಗಳಲ್ಲಿ ಕೆ.ಎಲ್‌. ರಾಹುಲ್‌ ಮತ್ತು ರಿಷಭ್‌ ಪಂತ್‌ ಪುನರಾಗಮನವಾದರೆ ಇವರಿಬ್ಬರು ಸ್ಥಾನ ಉಳಿಸಿಕೊಳ್ಳುವುದು ಸವಾಲಾಗಬಹುದು. ಟೆಸ್ಟ್‌ನಲ್ಲಿ ಗಮನ ಸೆಳೆದ ಕಾರಣ ಇಶಾನ್‌ ಕಿಶನ್‌ ಏಕದಿನದಲ್ಲಿ ಕೀಪಿಂಗ್‌ ನಡೆಸುವ ಸಾಧ್ಯತೆ ಹೆಚ್ಚು. ಆಗ 4ನೇ ಕ್ರಮಾಂಕಕ್ಕೆ ಸೂರ್ಯಕುಮಾರ್‌ ಮತ್ತು ಸ್ಯಾಮ್ಸನ್‌ ನಡುವೆ ಪೈಪೋಟಿ ಕಂಡು ಬರುವುದರಲ್ಲಿ ಅನುಮಾನವಿಲ್ಲ.
Related Articles
Advertisement
ಅನುಭವಿ ವೇಗಿಗಳಿಲ್ಲವೇಗದ ಬೌಲಿಂಗ್‌ ವಿಭಾಗದಲ್ಲಿ ಅನುಭವಿಗಳಿಲ್ಲ. ಉಮ್ರಾನ್‌ ಮಲಿಕ್‌ ಅವರಿಗೆ ಮತ್ತೂಂದು ಅವಕಾಶ ನೀಡಲಾಗಿದೆ. 7 ಪಂದ್ಯಗಳಿಂದ 13 ವಿಕೆಟ್‌ ಉರುಳಿಸಿದ ಸಾಧನೆ ಇವರದು. ಸಿರಾಜ್‌ ಬೌಲಿಂಗ್‌ ನೇತೃತ್ವ ವಹಿಸಲಿದ್ದಾರೆ. ಉನಾದ್ಕತ್‌, ಮುಕೇಶ್‌ ಕುಮಾರ್‌, ಆಲ್‌ರೌಂಡರ್‌ ಶಾರ್ದೂಲ್‌ ಠಾಕೂರ್‌ ಉಳಿದ ಪ್ರಮುಖರು. ಸ್ಪಿನ್‌ ವಿಭಾಗದಲ್ಲಿ ಚಹಲ್‌ ಕೂಡ ತಮ್ಮ ಅವಕಾಶಕ್ಕಾಗಿ ಕಾಯುತ್ತಿದ್ದಾರೆ. ಕಳೆದ ಆಸ್ಟ್ರೇಲಿಯ ವಿರುದ್ಧದ ಸರಣಿಯಲ್ಲಿ ಚಹಲ್‌ ಬದಲು ಕುಲದೀಪ್‌ ಅವಕಾಶ ಪಡೆದಿದ್ದರು. ಭಾರತ: ರೋಹಿತ್ ಶರ್ಮ (ನಾಯಕ), ಶುಭಮನ್‌ ಗಿಲ್‌, ರುತುರಾಜ್‌ ಗಾಯಕ್ವಾಡ್‌, ವಿರಾಟ್‌ ಕೊಹ್ಲಿ, ಸೂರ್ಯಕುಮಾರ್‌ ಯಾದವ್‌, ಸಂಜು ಸ್ಯಾಮ್ಸನ್‌, ಇಶಾನ್‌ ಕಿಶನ್‌, ಹಾರ್ದಿಕ್‌ ಪಾಂಡ್ಯ (ಉಪನಾಯಕ), ಶಾರ್ದೂಲ್‌ ಠಾಕೂರ್‌, ರವೀಂದ್ರ ಜಡೇಜ, ಅಕ್ಷರ್‌ ಪಟೇಲ್‌, ಯಜುವೇಂದ್ರ ಚಹಲ್‌, ಕುಲದೀಪ್‌ ಯಾದವ್‌, ಜೈದೇವ್‌ ಉನಾದ್ಕತ್‌, ಮೊಹಮ್ಮದ್‌ ಸಿರಾಜ್‌, ಉಮ್ರಾನ್‌ ಮಲಿಕ್‌, ಮುಕೇಶ್‌ ಕುಮಾರ್‌. ವೆಸ್ಟ್‌ ಇಂಡೀಸ್‌: ಶೈ ಹೋಪ್‌ (ನಾಯಕ), ರೋವನ್‌ ಪೊವೆಲ್‌ (ಉಪನಾಯಕ), ಅಲಿಕ್‌ ಅಥನಾಝ್, ಯಾನಿಕ್‌ ಕರಿಯ, ಕೇಸಿ ಕಾರ್ಟಿ, ಡೊಮಿನಿಕ್‌ ಡ್ರೇಕ್ಸ್‌, ಶಿಮ್ರನ್‌ ಹೆಟ್‌ಮೈರ್‌, ಅಲ್ಜಾರಿ ಜೋಸೆಫ್, ಬ್ರ್ಯಾಂಡನ್‌ ಕಿಂಗ್‌, ಕೈಲ್‌ ಮೇಯರ್, ಗುಡಕೇಶ್‌ ಮೋಟಿ, ಜೇಡನ್‌ ಸೀಲ್ಸ್‌, ರೊಮಾರಿಯೊ ಶೆಫ‌ರ್ಡ್‌, ಕೆವಿನ್‌ ಸಿಂಕ್ಲೇರ್‌, ಒಶೇನ್‌ ಥಾಮಸ್‌.