Ikea: ಕರ್ನಾಟಕ ಸೇರಿ 4 ರಾಜ್ಯಗಳ 62 ಜಿಲ್ಲೆಗಳಿಗೆ ಡೆಲಿವರಿ ಆರಂಭ

ಬೆಂಗಳೂರು: ಗೃಹೋಪಯೋಗಿ ಉಪಕರಣಗಳ ಮಾರುಕಟ್ಟೆ ಕಂಪೆನಿ ಐಕಿಯಾ ಕರ್ನಾಟಕ, ಮಹಾರಾಷ್ಟ್ರ, ತೆಲಂಗಾಣ ಮತ್ತು ಆಂಧ್ರಪ್ರದೇಶ ರಾಜ್ಯಗಳ 62 ಜಿಲ್ಲೆಗಳಲ್ಲಿ ಸಾವಿರಾರು ಪಿನ್ ಕೋಡ್ ಗಳಿಗೆ ತನ್ನ ಇಕಾಮರ್ಸ್ ಡೆಲಿವರಿಗಳನ್ನು ಪ್ರಾರಂಭಿಸುವುದಾಗಿ ಘೋಷಿಸಿದೆ. ಐಕಿಯಾ ಸ್ಟೋರ್ಗಳಿಂದ ಶಾಪಿಂಗ್ ಮಾಡಲು ಹತ್ತಿರದ ನಗರಗಳು ಮತ್ತು ಪಟ್ಟಣಗಳಿಂದ ಬರುತ್ತಿರುವ ಸಾವಿರಾರು ಗ್ರಾಹಕರ ಉತ್ಸಾಹ, ಬೇಡಿಕೆ ಮತ್ತು ಭೇಟಿಗಳನ್ನು ಗಮನದಲ್ಲಿಟ್ಟುಕೊಂಡು ಐಕಿಯಾ ಈ ವಿಸ್ತರಣೆಯನ್ನು ಕಾರ್ಯರೂಪಕ್ಕೆ ತರುತ್ತಿದೆ.

ಈ ಹೊಸ ಗ್ರಾಹಕರ ಮೀಟಿಂಗ್ ಪಾಯಿಂಟ್ಗಳು ಉತ್ತಮವಾಗಿ ವಿನ್ಯಾಸಗೊಳಿಸಲಾದ, ಕೈಗೆಟಕುವ, ಉತ್ತಮ ಗುಣಮಟ್ಟದ, ಕ್ರಿಯಾತ್ಮಕ ಮತ್ತು ಸುಸ್ಥಿರ 7,500 ಕ್ಕೂ ಹೆಚ್ಚು ಗೃಹೋಪಯೋಗಿ ಉತ್ಪನ್ನಗಳ ಸಂಪೂರ್ಣ ಶ್ರೇಣಿಯನ್ನು ನೀಡುತ್ತವೆ. ಗ್ರಾಹಕರು ಐಕಿಯಾ ಅಪ್ಲಿಕೇಶನ್ ಅನ್ನು ಬಳಸಿಕೊಂಡು ತಮ್ಮ ನೆಚ್ಚಿನ ಉತ್ಪನ್ನಗಳನ್ನು ಹುಡುಕಲು ಮತ್ತು ಖರೀದಿಸಲು ಸಾಧ್ಯವಾಗುತ್ತದೆ, ಬ್ರ್ಯಾಂಡ್ ವೆಬ್ಸೈಟ್ www.ikea.in ಮೂಲಕ ಅಥವಾ ಅದರ “ಶಾಪ್ ಬೈ ಫೋನ್” ಸಹಾಯ ಸೇವೆಯ ಮೂಲಕ ಆನ್ಲೈನ್ನಲ್ಲಿ ಆರ್ಡರ್ ಮಾಡಬಹುದು.

ಪ್ರಸ್ತುತ, ಅಸ್ತಿತ್ವದಲ್ಲಿರುವ ಮಾರುಕಟ್ಟೆಗಳಲ್ಲಿ ಗ್ರಾಹಕ ಆರ್ಡರ್ಗಳನ್ನು ಶೇ.72 ರಷ್ಟು ಎಲೆಕ್ಟ್ರಿಕಲ್ ವೆಹಿಕಲ್ಗಳ ಮೂಲಕ ಪೂರೈಸಲಾಗುತ್ತದೆ. ಈ ವಿಸ್ತರಣೆಯೊಂದಿಗೆ, ಐಕಿಯಾ ತನ್ನ ಪೂರೈಕೆಯಲ್ಲಿ ಮತ್ತಷ್ಟು ಸಾಮರ್ಥ್ಯಗಳನ್ನು ನಿರ್ಮಿಸುವ ಗುರಿಯನ್ನು ಹೊಂದಿದೆ.