ತಾಕತ್ತಿದ್ದರೆ ಮೊದಲು ಯತ್ನಾಳ್‌ ಉಚ್ಚಾಟಿಸಿ: ಪ್ರಿಯಾಂಕ್‌ ಸವಾಲು

ಕಲಬುರಗಿ: ಬಿಜೆಪಿಯಲ್ಲಿ 2 ಬಣಗಳಾಗಿವೆ. ಖುದ್ದು ಬಿಜೆಪಿಯ ಕಾರ್ಯಕರ್ತರೇ ಯತ್ನಾಳ್‌ ಅವರನ್ನು ಅರೆಹುಚ್ಚ ಎನ್ನುತ್ತಿದ್ದಾರೆ. ತಾಕತ್ತಿದ್ದರೆ ರಾಜ್ಯ ಬಿಜೆಪಿ ಅಧ್ಯಕ್ಷ ವಿಜಯೇಂದ್ರ ಮೊದಲು ಯತ್ನಾಳ್‌ ಹಾಗೂ ಮುನಿರತ್ನ ಅವರನ್ನು ಉಚ್ಚಾಟಿಸಲಿ ಎಂದು ಸಚಿವ ಪ್ರಿಯಾಂಕ್‌ ಖರ್ಗೆ ಸವಾಲು ಹಾಕಿದರು.

ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಯತ್ನಾಳರ ಇತಿಹಾಸವೇ ವಿಜಯೇಂದ್ರಗೆ ಗೊತ್ತಿಲ್ಲ. ಬಿಜೆಪಿಯವರು ರಜಾಕಾರರ ಬಗ್ಗೆ ಮಾತನಾಡುತ್ತಾರೆ. ತಮ್ಮ ಪಕ್ಷದಲ್ಲಿ ಯಾರ್ಯಾರಿದ್ದಾರೆ ಅನ್ನುವುದೇ ಗೊತ್ತಿಲ್ಲ ಎಂದು ಕುಟುಕಿದ ಪ್ರಿಯಾಂಕ್‌, ತಮ್ಮ ಪಕ್ಷದಲ್ಲಿನ ತಲ್ಲಣವನ್ನು ಮೊದಲು ತಣ್ಣಗೆ ಮಾಡಿಕೊಳ್ಳಲಿ ಎಂದು ಸಲಹೆ ನೀಡಿದರು.