ಐಡಿಯಾ, ವೊಡಾಫೋನ್‌ ನಡುವೆ ವಿಲೀನ ಮಾತುಕತೆ?

ನವದೆಹಲಿ/ಮುಂಬೈ: ಆದಿತ್ಯ ಬಿರ್ಲಾ ಗ್ರೂಪ್‌ ಮಾಲೀಕತ್ವದ ಐಡಿಯಾ ಮೊಬೈಲ್‌ ಕಂಪನಿ ಮತ್ತು ಬ್ರಿಟನ್‌ ಮೂಲದ ವೊಡಾಫೋನ್‌ ಪರಸ್ಪರ ವಿಲೀನಗೊಳ್ಳುವ ಬಗ್ಗೆ ಮಾತುಕತೆಯಲ್ಲಿವೆ. ಈ ಬಗ್ಗೆ  ಮಾಧ್ಯಮವೊಂದು ವರದಿ ಮಾಡಿದೆ. ಅದಕ್ಕೆ ಪೂರಕವಾಗಿ ಜ.18ರಿಂದ ಈಚೆಗೆ ಕಂಪನಿ ಷೇರುಗಳ ದರದಲ್ಲಿ ಶೇ.18ರಷ್ಟು ಹೆಚ್ಚಾಗಿದೆ. 

ಒಂದು ವೇಳೆ ಮಾತುಕತೆ ಪೂರ್ಣಗೊಂಡು ಯಶಸ್ವಿಯಾದಲ್ಲಿ ಭಾರತದಲ್ಲಿ ಅತಿದೊಡ್ಡ ಮೊಬೈಲ್‌ ಸೇವೆ ಒದಗಿಸುವ ಕಂಪನಿ ರೂಪುಗೊಳ್ಳಲಿದೆ ಎಂದು ಹೇಳಲಾಗಿದೆ. ಹೀಗಾಗಿಯೇ ಜ.23ರಂದು ನಡೆಯಬೇಕಾಗಿದ್ದ ಐಡಿಯಾದ ತ್ತೈಮಾಸಿಕ ಸಾಧನೆಯ ವಿವರ ನೀಡುವ ಸಭೆ ಮುಂದೂಡಲಾಗಿತ್ತು.